Oshigwana kwathela opolisi okudhimbulula nakusa nguka

0
363

ONGWEDIVA – Opolisi moshitopolwa shaMusati otayi indile nesimaneko enene opo aakwashigwana yomoshitopolwa shaMusati nomiitopolwa yopopepi mboka ya kanitha omulumentu gwepipi lyopokati yaye kopolisi kOkahao opo ya vule okudhimbulula omudhimba gwe.

Omupopiliko gwopolisi omukuluntun moshitopolwa shaMusati, Warrant Lineekela Shikongo okwa ti omulumentu gwepipi lyopokati okwa li iitsuwa eendjelela a sa sho imangeleke nohema ye miishwa pOmusati gwaNiita .

Omudhimba ngoka taku hokololwa gwa itsuwa gwa ninga omasiku lela ,okwali gwa itsuwa kokanona okashona okanasikola hoka ka adhika taka ka konga iikuni ka yenyeke omeya gako ka wape kiiyoge kaye kosikola ongula onene.

Opolisi oya ti omulumentu nguka okwa longitha nee ohema ye ombundu yomaako omale ndjoka kwali azala nombulukweya ocreama ndjoka oyo ayike a adhika a zala.

Okwati wa ina adhika noongaku koompadhi naampoka iimangelekela ina pu adhika oongaku po itapu ulike wo eyapo noongaku.

Warrant Shikongo okwa ti omudhimba nguka ogwa itsuwa nee mEtitano lyoshiwike shaziko ashike aakalimo yopomikunda ndhoka dhopopepi ka kwali ya dhimbulula omulumentu nguka sigo omOmaandaha sho opolisi ya popi na Kundana.

“Onkee nduno tatu indile nesimaneko enene opo mboka yeshi omulumentu nguka ena olwaala luli pokati keshi omuluudhe ye keshi omutiligane opo ya kwatathane nopolisi meendelelo ano ya dhengele ndje ngame mwene konomola 0817427020 nenge ya dhengele Detective Sergeant Desiderius Iindombo konomola 0812921707 meendelelo ngaashi tashi vulika,” Shikongo osho a indile ngaaka.

LEAVE A REPLY

Please enter your comment!
Please enter your name here