Oshihauto sha yakwa kOutapi sha adhika koRundu

0
263

ONGWEDIVA – Opolisi yomOmusati oshiwike shika oya nyanyukwa oshoka oya longa shomupondo moku kwata aafuthi mboka ya li ya yaka po osheenditho shomunangehsefa gumwe mondoolopa yOutapi.

Okwa hokololwa kutya anuwa oshihauto shika okwali shaadhika moRundu mOmaandaha omanga shali shaya kwa po okupendukila Olyomakaya ongula onene pegumbo lyomunangeshefa ngoka.

Omupopiliko gwopolisi moshitopolwa shOmusati Warrant Lineekela Shikongo okwa ti uuyelele mboka ta vulu okugandja oomboka kutya oshihauto osha monika na otashi gandjwa kumwene muule wethimbo efupi.

Aniwa oongangala ndhika odha yi pegumbo lyomunangeshefa eta dhi tatula ekende tadhi yi mondunda ye tadhi kuthamo oshapi mokasikopa moka kwali eitula ashike omulumentu nguka oombudhi odho ngaa inaa uva ndhoka.

Shika oonzo dhiinekelwa nawa kuKundana odha ti kutya ka ye shi nee kutya omunangeshefa nguka okwali a kotha ngiini opo aantu yaye mondunda ye ndele taya hingipo ohauto ndjika ndele ta kala inee ya uva nande oosha.

Kundana ina mona naanaa uuyelele wa gwana mboka tau popi kutya omunangeshefa nguka okwali eli oye awike megumbo nenge okwa li mo naanegumbo lye.

Okwa hokololwa kutya omunangeshefa nguka okwa dhimbulula ashike kutya oshihauto she osha yakwapo ongula sho a penduka noku ka lopota oshiningwanima shika kopolisi pokati kotundi 07h00-8h00 mOlyomakaya.

Ohauto ndjika nee aniwa oyoludhi lwo Chevrolet Trailblazer SUV yolwaala olumbundu.

 

LEAVE A REPLY

Please enter your comment!
Please enter your name here