Oshiwike shuuthiga wopashigwana mOnandjokwe

0
180

ONANDJOKWE – Ongulu yiikulunima yopaunamiti moshipangelo shaNandjokwe oyali ya longekidha oshiwike shuuthiga shono sha tamekele mOmaandaha nosha tegelelwa shi hule mEtitano lyoshiwike shika.

Omunambelewa omukuluntu mombelewa ndjika, Lucia Hafeni okwati elalakano lyawo oya hala ya ulukile yimwe yomomiti dhopamuthigululwakalo nonkene ookuku ya kala haya panga pethimbo lyonale. Edhimbuluko lyoshiwike shika olyali lya tameke Omaandaha mono aanona yosikola ya kala noku dhana iidhano yopamuthigululwakalo osho okudhana iinyandwa.

Muule womukokomoko goshiwike iinyangadhalwa ya yoolokathana oya kala tayi dhana onkandangala. Metiyali okwali kwa ulikwa yimwe yomomiti dhopamuthigululwakalo ndhono ku wetike kutya otadhi vulu okupanga omuntu sigo aaluka.

Kuku Helena Shifeleni okuli omundohotola gopamuthigululwakalo, naye okwali eya a ulike onomenawina omiti ndhoka dha kala ha dhi longithwa kaakulu yonale manga anuwa kwali kwaa hena iipangelo.Shifeleni okwa ti omiti dhopamuthigululwakalo odha simana, tati oha kwathele momikithi odhindji.

Aalongwa yokoosikola dha yoolokathana oya kala no ku talelapo ongulu yiikulunima , yo taya tala dhimwe dhomomiti ndhoka dhali hadhi longithwa monale,oyali woo ya kutha olweendo opo ya ka tale mo museum yaNandjokwe ,mono mwa pungulwa yimwe yomiilongitho mbyono ya kala hayi longithwa kaapangi yonale yoo Selma Gwanandjokwe ngono oye ondohotola yotango moshipangelo shika.

Oshiwike shino oshali sha dhimbulukiwa kohi yoshipalanyolo “ okupititha noku gandja omithigululwakalo okuza kaakuluntu dhiye maanona”, Hafeni okwati shino oshinima shopandjokonona opo ya dhiginine omithigululwakalo molwa aanona mbono yeli oyo oongudhi dhoshilongo.

Hafeni okwa indile aakwashigwana ya simaneke omithigululwakalo yo ya takamithe oonzo dhopaunshitwe nomahala ngono ga simana nogopandjokonona opo gaa hanagulwepo , go ga vule ku longithwa noku monika kepipi taliya.

“Natu kalekiipo omahala getu gopamuthigululwakalo tse tu simaneke omiti dhopaushitwe dhi vule ku monika moomvula tadhiya oshoka omithigululwakalo inadhi pumbwa ku dhipagwapo, iithigululwanima oyo iinima mbyoka twa thigulula kookuku yetu ngaashi oohedhi,

LEAVE A REPLY

Please enter your comment!
Please enter your name here