Aadhengingonyo yokoAmerica lyuumbugantu taya itanga

0
229

WINDHOEK – Oku shi talela momapopyo poshigongi shoonkundana oshiwike shika, otashi ulike kutya uudhano woongonyo mboka wu liko mehuliloshiwike ndika otawu ka kala wa kukuta, otapa ka ndonda ombinzi oshowo omazigudhe pamwe nomahodhi uunaa ongonyo tadhi ka topa moringa poshinyanga shEmanguluko moKatutura. Uudhano wombokisa mbuka otawu kondjwa kohi yoshipalanyolo tashi ti Okudhenga kwa hugunina okuya kEpapa lyuujuni.

Omupopi gwotango maambokisi aakwiilongo okwa ukilile omukondjithi gwe a londodha Paulus ‘The Hitman’ Moses’.

Omvalele ya Brazil Josenilson Dos Santos, okwa ti olugodhi lwongula otalu ka kala oshilondelo she oshiwanawa kiinima iiwanawa niinene na okwa uvaneke kutya ota ka dhenga omukondjithi gwe omuNamibia mbala uuna taya tsakanene moringa okukondjela epaya lyolutu lwoongonyo lwo World Boxing Organisation (WBO) mondjundo yoInternational Lightweight.

Omanga Tyson Ushona okwa londodhwa komukondjithi gwe Dario Pucheta omvalele yaArgentina, ngoka taka kondjele epaya lyondjundo yo International Welterweight momadhingoloko 10. Pucheta okwa ti otaka tilila omulilo gwoheli kombanda yUushona a ti ye okwe ya a tumwa onkene okudhengwa molugodhi nduka kuye itaku kala nando ompito tayi vulika okuningwa.

Omukondjithi gwa Vikapita ‘Beast Master’ Meroro naye aza ombululu yokoArgentina, Walter David Cabral, okwa ti ye okuli monkalo yi li nawa ye ishewe shoka she mu enditha osho esindano, onkene okwa tegelela olugodhi lu kale olupu kuye mOlyomakya.

Okwa londodha Meroro kutya ye okwa kondja naambokisi yamwe yapyokoka muuyuni na ondi shishi shoka nda tegelela, onkene okusindana ita ku kala uupyakadhi.,” osho Cabral a londodha.

Aambokisi mbaka oya talikile nale ondjundo yawo oshiwike shika moPost Street Mall moka oshigwana sha li sha mono ompito oku ya tala nokupopya nayo.

Oshigwana osha li woo sha pewa ompito yoku isindanena uukalata wokuya moshinyanga. Uukalata womolugodhi otawu gu oodola 500 koohashike shalye omanga oshigwana ashihe kehe gumwe wa hala okuka tala uudhano mbuka ilandela okakalata koye poComputicket koodola ashike 100 alike.

 

LEAVE A REPLY

Please enter your comment!
Please enter your name here