Aahungimwenyo ya pewa omadheulo ga gwedhwapo

0
202

ONIIPA – Uministeli wUundjolowele nOnkalo nawa owali wa longekidha oshiwike showina mono wali tawu dheula aahungimwenyo, mbono haya kala no ku kwathela mboka ya adhika komaupyakadhi.

Aahungimwenyo mbaka yali taya mono omadheulo ngaka oya zile kiitopolwa ya yoolokathana noyendji konyala oya za komahangano ngono inaa ga yama kepangelo gopaumwene ge lilepo oku gandja omahungomwenyo. Oshigongiilonga shika osha li sha tameke mOmaandaha gomasiku 22 ga Sepetemba sigo Etitano lyomasiku 26, sha ningilwa pOniipa.

Omunambelewa omukuluntu mUuministeli wUundjolowele koshikondo shegungomwenyo Ruth Etutala Shoombe petameko lyoshiithanene okwali a popitha aahungimwenyo mboka yali ya gongalo pomwaalu gwaadha pomilongondatu (30), no ku ya tseyithila elalakano lyoshigongi shika.

Shoombe okwa holola kutya aahungimwenyo oyeli ehukamugongo lyUuministeli sho osho ya longekidha omadheulo ga gwedhapo, yo ya gwedhepo puunongo mboka yena nale. ” otwa kundathana kombinga yiinima oyindji unene ngaashi kombinga yeshunitho pevi lyombuto yo HIV/AIDS,elongithonayi lyiingangamithi nomalovu, okukwathela aakwanezimo,ehungomwenyo oshowo okukwathela aanuulema ya mone omakwatho nomayambidhidho.

Aakalelipo yomahangano ngono gali ga kutha ombinga moshigongiilonga shika ogali ga pewa uuyelele ga vule kushangitha omahangano gawo kuuministeli wIipindi niikwafabulika , opo anuwa ya vule ku pewa omakwatho kepangelo, Shoombe ta gwedhapo tati omahangano ogendji ogena omashongo omanene ngele tashiya poku shangitha omahangano gawo,okweetapo iiyemo yawo nokweetapo omukanda gwawo gomayalulo nokuwete kutya shino osha simana mokuyambulapo omahangano gawo.

Melisa Katupao gokoshikondo shehungomwenyo mUuministeli wUuhaku, okwa ti oshigongiilonga shawo osheenda nawa oshoka omahangano ogendji ogali ga tuma aakalelipo mbono ya tungathana nokugunathana. ” ethimbo alihe, twa kala twa gongala otwa kala mombepo ombwaanawa yuumwainathana mono twiilongo iinima oyindji, otatu pandula omahangano ngono ga kutha ombinga tatu indile ya tsikile ku gandja omahungomwenyo kwaamba yega pumbwa,otatu indile woo kehe ngoka te kiiyadha monkalo tayi mu nyenge a kale a mona gumwe gwomaahungimwenyo moshitopolwa shaShikoto.

Moshitopolwa Oshikoto omuna omahangano geli pugaheyali (7) ngono taga ungaunga noku gandja omakwatho nomayambidhidho kwaamba ye ga pumbwa unene. Omukalelipo gwehangano Twiizuleni ndyono lya yambukile koshitopolwa shaMusati Ndailikana Nanyeni okwa ti oyi ilongamo oshindji moshigongiilonga shika. “Iinima yimwe ka twali no kuli tushi kutya ohayi longo ngiini ashike sho twa mono omadheulo ngaka otatu vulu tu humithe komeho omahangano getu no ku gandja ehungomwenyo kwaangu eli pumbwa,” Nanyeni ta popi ngaaka. Sara Shikokola okwa yambukile kElambo koshitopolwa shEengodi, ta ti ota pandula Uuminsteli wUuhaku sho wa longekidha omadheulo goludhi nduka te wu indile wu tsikile no ku gandja omadheulo ngaka konyala kehe omvula.

 

LEAVE A REPLY

Please enter your comment!
Please enter your name here