Dazzle a pititha oalubuma ye ontiyali omwedhi gwa yi

0
208

KuPinehas Nakaziko

OVENDUKA – Ngashingeyi olyo naana ethimbo lyokomumvo mpono omanyakwa goongalo moNamibia gaha pititha oalubuma dhawo mono naDazzle omwiimbi gwoongalo dhomuthigululwakalo niiyimbo yOshiwambo naye iikutha kohi a pitithe oalubuma ye ontiyali ta yi ithanwa Eengano.

Oalubuma ndjika oya piti petameko lyaSeptemba  noyina oongalo omu13 mwakwatelwa ongalo ye ndjoka onene  eyi pitha tango manga oalubuma inaa yi pita yedhina Okandeshimwene ta kwathelwa kuMonique.  Oalubuma ndjika oyina oongalo dha dhenga mbanda notadhi yambulapo omuthigululwakalo gwAawambo ngaashi ndjoka  Mondambo ya imba naBantu naKandaha Wange, Epangelo nali talepo nawa ta kwathelwa kuSesfikile, Oukadona Vopaife ta kwathelwa kuButti, Eima lange naGoodboy oku tumbulapo ashike dhimwepo.

Young T oye unene ta dhana onkandangala moongalo odhindji moalubuma muka osho wo M-Jay naPizzo Dash.

“Onda longa nuudhiginini opo ndi pitithe oalubuma yandje ndjika nuuCD mbu ndali nda ningi tango owa pwapo nale shono sha nyanyudhandje unene nondili ndi ipyakidhila nokunduluka uukwawo mboka tandi ka andjakaneka komahala ogendji moshilongo ashihe.

Oalubuma otayi opalele omapipi agehe oshoka omuthigululwakalo oshinima shaantu ayehe okuza kaakuluntu naanona. Onda hala ne oku pandula kehe gumwe akwathela ndje mokwiimba osho wo mokuninga iikwelengendji osho wo aanduluki yuuCD wandje, Dazzle tati ngaaka. Ota pandula ishewe meme Frondina Ndapoita ngono eli oye omukwatiketi nomugandjimayele unene kombinga yiiyimbo yOshiwambo oshowo komuthigululwakalo noonkuluhedhi dhookuku. “Oongalo ngaashi Okandeshimwene konyala oye eyi shangele ndje” Dazzle ta popi ngaaka nenyanyu.

Dazzle okwa dhiladhila aka ulike nokutseyitha oalubuma ye ndjika muDesemba mono athaneka ando a faalele Mushe, Tequila koshitopolwa shawo kOkalongo.

 

LEAVE A REPLY

Please enter your comment!
Please enter your name here