A dhengwa no ku ehamekwa

0
319

 

ONDANGWAPengevali Simeon gwomomukunda Onkumbula moshitopolwa shaShikoto okwa dhengwa no ku ehamekwa momutse oshowo kokwaako.

 

Oshiningwanima shino osha ningilwe uusiku wOmaandaha goshiwike shika, sha ningilwa pOkangwena mOndangwa. Ota ku hokololwa kutya Pengevali okwa kala ha longele mondoolopa ya Ndangwa mono ha painda no ku opaleka omatungo.

Pengevali yemwene okwa lombwele iikundaneki kutya sho eya mOndangwa iilonga mbyoka ha longo okwe yi kongelwa komulumentu ngono a tseyika owala nedhina Nghiwanwa, oshoka oya za komukunda gumwe.

“Otwa kala tatu longo iilonga yetu tu uvitathane tu na ombili, ashike kandishi kutya oshike sheende mongaya opo a tukuluke a dhenge ndje ngeyika,oshinima shino okweshi ningi uusiku mboka konima sho twa li uulalelo,” Pengevali tati ngaa.

Okwa hokolola kutya omulumentu nguka okwa tameke te mu dhenge momutse sigo e mu tete nekaatana mokwaako, ta ti okwa kala no ku mu pula kutya ote mu dhengele shike ashike Nghiwanwa ina gandja uuyelele kutya ota dhengele shike Pengevali nonande ali a popi kutya okwe mu dhenge oshoka okwa lunduka ye anuwa kena mikalo.

“I na tu nyenyeta ando nande po kapuna esiku twa li kaatuna ombili,ongulohi yOmaandaha okweya owala aadha tandi dhike otenda yandje moka handi lala no ku tameka owala ta dhenge ndje ngaaka no ku teta ndje nekatana mokwaako ashike pakutala ondiwete kutya ngiika okwali a kolwa oshoka sho twa zimbuka okwa li aya molukanda,” Pengevali ta gwedhapo ngaaka.

Pengevali ngono ali a ehamekwa okwali a falwa mbala koshipangelo hono a ka hondjwa momutse oshoka okwali tazi ombinzi noonkondo mpono a dhengwa oshowo mpoka a tetwa nekatana pokwaako. Opolisi oyali ya lopotelwa mbala oshinima shika naasho Pengevali a pulwa okwati ita tulamo oshipotha oshoka okwa hala a pangwe manga yo ya ka pangulwe koomwene gwomukunda gwawo, yo ya uve kutya omolwashike a dhengelwa.

 

LEAVE A REPLY

Please enter your comment!
Please enter your name here