Kambo Shixungileni a xulifa

0
350

ONGWEDIVA – Umwe womwaavo va pala ondjila yoita yekondjelomanguluko Simeon Lineekela “Kambo” Shixungileni okwa xulifa.

Shixungleni, odalele yaKadiva moshikandjohoololo shaNdobe mOhangwena, okwa mana oweenda waye mEtivali loshivike eshi, moshipangelo shepangelo mOshakati. Okwa li ena eedula 80.

Shixungileni oye umwe womovakwaita vahamano ovo va dja kolupadi koKongwa shaTanzania mo1965, konima yomadeulo opaukwaita koRussia. Ekufombinga laye mekondjelomanguluko nomolwa okuudifa ko ovanhu oSwapo, ole mu hepekifa opamwe novashivikile novapopepi naye mwa kwatelwa omukainhu omunyasha oo a li e na eteelelo laShixungileni.

Nakufya Shixungileni okwa ninga yoo eedula 18 donghalamweyo yaye koRobben Island oko a kalele ta hepekwa nokuxwikwa nomalusheno.

Omanga ina tumwa koRobben Island oko a li a tokolelwa odolongo yonghalamwenyo, Kambo okwa kala yoo eedula mbali modolongo koPretoria sha South Africa oko a kalele ina pangulwa. Omwedi wadjako, Kambo okwali a popya noshifo eshi omanga ali ta mono ouhaku mOshipangelo shepangelo shaShakati.

Okwa hokolola nghee a tameka ouxwi, a longa keefabrika deeshi kOmbaye oko ye e li longela  opolotika, naashi a djoina OPO 1957 moTsumeb.

Nakufya Shixungileni okwali mokangudu kotete ka deulilwa oukwaita koRusia oule wodula netata.

Molwa etokolo okumangulula Namibia, osheendo shoG1 sha kwatela mo ovakwaita vahamano, osha enda kolupadi oule weehani hamano okudja mokamba yovakwaita voSWAPO moKongwa shaTanzania, mu Maalisa 04, 1965.

Ovamati ava, ova pita moCaprivi, mOkavango mOwambo, ova fikila mooEliaser Tuhadeleni a shivika nawa nedina Kaxumba kaNdola momukunda Endola. Ovakwaita ova li neendjebo deePPSH mbali neembistoli mbali da dja koAlgeria.

Ova li yoo va homata eembele. Mosheendo osho sha li mewiliko la komanda John Otto Nankudhu, nomuponhele Patrick Israel Iyambo Lungada, Messah Victory Namuandi, James Hamukuaja Angula “Shoonjeka” naNelson Kavela “Sadrag” omwali  yoo Simeon Lineekela  Shixungileni “Kambo.

Vahapu vomwaava paife ova xulifa. Ovalumenhu ava, ova enda kolupadi oivike ine okudja kOkavango nokufika mEndola. “Okamba yotetete yovakwaita ava oya li “Ondaadhi”. Nokonima otwa ka dika Omugulu-gOmbashe, twe i dika muJune 1966. Meekamba edi otwa deulila mo ovakwaita 90 lwaapo,” Shixungileni osho a tile ngaha manga ali momwenyo. Shixungileni okwa hokololele yoo oshiponokela shokeengulasha daAugust 26, 1966 kOmugulugwombashe, noshoyo osho sha ningilwe kOshikango mo September 27, modula oyo tuu oyo.

MuSeptemba, 21, 1987 okwa hombola Teopolina Shixungileni, nova pewa ounona vahamano. Kambo kaShixungileni  shaMwahanyekange, omutihetatu mokati kovamwaina va li 10, paife ove li po vane. Muxe ova dalwa 40. Oye ayeke ali a xupapo ena omwenyo moG1fiyo exulepo laye oshivike eshi.

 

LEAVE A REPLY

Please enter your comment!
Please enter your name here