Kofuto yokumitika oukadona kwa wedelwa

0
410

ONGWEDIVA – Omalelo opamifyuululwakalo Ovawambo okwa weda ko komahandukilo oo a kala haapewa ovalumenhu ovo va mitika oukadona.

Oshiongalele shomalelo opamifyuululwakalo shali mOngwediva eemwedi da djako, osha tokola opo ovalumenhu ovo va yandja omateelelo kounona voukadona ve li koshi yeedula 18, va fute eengobe nhatu ile shimaliwa shifike po N$4 500, omanga ovo va yandja omateelelo kovakainhu ve na eedula di dulife po 18, va futifwe eengobe mbali ile oshimaliwa shifike po N$3 000, ndele ha N$2 000, ngaashi ya kala ha i futwa nale.

Omutumba oo owa tokola yoo opo ovalumenhu ovo tava ka kwatwa momilele novakainhu vovanhu va hombolwa va pewe ehandukilo leengobe nhantu ile oshimaliwa shifike po N$4 500. Omukainhu a hombolwa taka kwatwa moluhondelo otaka handukilwa noshimaliwa shifike poN$1 500, ile ongobe imwe. Ongushu yongobe pamufyuululwakalo oya valulwa ifike po N$1 500.

Ikwao yawedelwa ongaashi edipao loshiningilawina olo li na N$13 500, omanga edipao liheshi loshiningelawina li na N$7 500, okweehameka ile okukufa omunhu okwooko, ile okulu ile eisho ehandukilo nalo olifike po N$7 500, ile eengobe nhano. Ofuto yombole oyo N$1 200.

Ofuto yomapya natango oifike po N$600, nonhele yokandingosho oina N$150. Ava tava ka danena omeva navo otava ka pewa ehandukilo loshimaliwa shifike poN$200.

Ou ta ka monika ondjo molwaashi a tuka omunhu okudja komutwe fiyo opekoto, otaka futifwa N$100, netukano okudja pekoto fiyo okomaulu olina N$200.

 

LEAVE A REPLY

Please enter your comment!
Please enter your name here