LMT a hala eyambidhidho a ka pitithe oalubuma ye yotango

0
165

WINDHOEK – Jackson Moses gwoomvula 24 a tseyika nawa moongalo nedhina LMT (Low Mapiyaano Thank-God) ota indile eyambidhidho lyopashimaliwa nomukwateli komeho gwoongalo dhe moshigwana opo a ka pitithe oalubuma ye yotango pehulilo lyomvula ndjika.

LMT otati kungoka teke mu kwathelwa mompumbwe ndjika ite ke mu shunitha nando omonima oshoka ye oye gumwe gwomaahikingalo aaNamibia mboka haya lala itaa ya kotha omolwa ohokwe yoongalo, noongalo dhe otadhi hokitha noonkondo.

LMT okamati hoka ka ya mbukile mOmundaungilo, nongashingeyi oke shigamena mEenhana moka ta ka longekidhile epitiho lyoalubuma yako ndjoka ta yi ka tseyika omasiku gokomeho.

Oongalo okwe dhi tamekele oomvula mbali dha kapita, nokwa ningi okangalo ke kotango omvula ndjika muMaalitsa ta ka ithanwa Plis Be moka ta kwathelwa ku Hem naYD.

“Ondihole okwiimba, okushanga oongalo noku pulakena woo oongalo dhaahikingalo ooyakwetu. Onda kwatwa ko woo kohole yoku imba oongalo dhoKwaito moka ndili tandi shi enditha nawa monena,” LMT ta ti ngaaka. Mongashingeyi LMT okuna oongalo dhili 4 ndhoka tadhi pulakenwa nale koyendji mwakwatelwa Do or Die.

Omikwelengendjo dhoongalo dhe okwe dhi ningilwa ku Didilikeni gwostudio Shafodino Records ndjoka yili mOhangwena, kakele komikwelengendjo dhokangalo DO or Die ndhoka dha ningwa ku Young T.

Ota pandula Kalunga sho emupa omagano ngoka goku imba.

 

LEAVE A REPLY

Please enter your comment!
Please enter your name here