Otonamende yoKia yaagundjuka yetanga lyokoompadhi tayi wilikwa ku DTS

0
224

WINDHOEK – Ongundu yuudhano yo DTS otayi longekidha noku wilika otonamende ontitatu yokomumvo yuudhano wetanga lyokoompadhi waagundjuka mboka tawu ka dhanenwa pokapale kongundu yomaudhano ndjika moshitopolwa sha Olympia Olyomakaya ndjika.

Otonamende ndjika tayi ningwa ashike esiku limwe alike oya kwashilipalekwa kehangano hali landitha iiyenditho yo Kia. Iimaliwa mbyoka Kia Motors a gandja omolwa uudhano mbuka oyo oodola omayovi N$ 5000, omanga omakwashilipalekao galwe oga zi komahangano ngaashi Martin Krafft na Doc Munz.

Aadhanitanga aape mboka opo taya tameke uudhano mbuka ya za koospana dhetanga dhili hamano otaya ka kondjela omapapa moongundu ngaashi yaadhani kohi yoomvula 7, kohi yomimvo 9, omimvo 11 oshowo mboka yeli kohi yomimvo 13.Mondondo kehe otamu kala konyala oospana dhili pokati ka 8 to 10 . Oospana ndhoka dhali dha koleke kutya otadhi kala dha thika kethigathano ndika ongaashi, Ramblers, Swallows FC, SKW, Otjiwarongo oshowo DTS.

Oospana dhaa dhani kohi yomimvo 13 otadhi ka ulika sha, kaatali yuudhano oshoka ndhika otadhi ka dhanena moshinyanga shoka hashi longithilwa iinyangadhalwa oyindji, na ohamu dhanenwa uudhano wo Inline Hockey naamboka woVolleyball.

Oshinima oshipe puudhano mbuka nuumvo ooshoka sho ku pa omudhani kehe ombandi kashina nee mbudhi kutya ospana yawo oye ya pehala etingapi.

Puudhano mpaka otapa ka kala iikulya nuunamunate tawu landithwa.

 

LEAVE A REPLY

Please enter your comment!
Please enter your name here