Permithias omukalelipo omutiyali gwaNamibia moBig Brother !

0
286

WINDHOEK – Konima sho kwa tseyithwa kutya Luis Munana oye ta ka kalelapo Namibia megumbo lyoBig Brother Africa Hotshots kuyele omwedhi gwayi, onkundana onkwawo oya ti ishewe omukalelipo omutiyali gwa Namibia megumbo ndyoka oye Omuteleki gwiikulya yoopala, Elioth Owoseb AKA Permithias.

Omuteleki gwoondya mwa kwatelwa naandhoka hadhi ithanwa sushi , Permithias okwa ti sushi osho shimwe sho miikulya mbyoka ehole nawa opamwe nopizza.

Okwa ti kena embo ndyoka ehole okulesha andola, ndele okuhole okutala okino yedhina Originals moTiivii. Okwa ti yina oye omunashiholelwa she oshaanawa, oshoka oha kwathele nokupalutha efamilia lye neitulemo enene. Permithias oye osheeli megumbo lyaavalwa yatano.

Okuna aamwayinakadhona yatatu nomumwayinamati gumwe. Okwa ti oku ilonga iilonga yokuteleka nokulongekidha iikulya osho onkatu onene aadha monkalamwenyo oshoka ndjika oye mu egululile iiyelo yemwene nofamili ye.

Okwa ti okwa kumikwa okujoina egumbo ndyoka nuumvo tali ithanwa Hotshots, molwashoka okwa kala ha tala omauliko ngoka omimvo dhapiti, ndele iha landithapo onkalo ye nenge iiyekelehi yemwene andola moku tala opolograma ndjoka.

Sho a pulwa kutya oku uvite ngiini sho uuyuni auhe tawu kala we mu tala ootundi omilongo mbali nane oshiwike ashihe , okwa ti okwa tila, ndele ashihe otashi ka enda nawa ngaashi shina okukala.

Ngele okwa sindana oshimaliwa shoka ota ka sila yina oshimpwiyu na ota ka patulula orestauranda yemwene.

Mondjokonona ye yo Big brother okwa ti ye oku shi ku popya nawa, na okwa putuka nawa na okuuvite kutya aanegumbo ooyakwawo otashi vulika ye mu tale ongo oshiponga kuyo okusindana iimaliwa omolwa uukwatya mbuka..

Permithias na Luis oya yi moBig Brother HotShots neinekelo oku etelelako iimaliwa.

Opolograma yomoTiivii ndjoka hayi ulikwa omanga iinima ayihe tayi ningwa otayi tameke Osoondaha ndjika potundi onti 19h00.

Omuteleki gwiikulya moNamibia , Elioth Owosebo AKA Permithias oye omukalelipo omutiyali gwaNamibia megumbo lyoBig Brother Hotshots.

LEAVE A REPLY

Please enter your comment!
Please enter your name here