Egumbo lyomukulupe gwaNambala lya pi po komulilo

0
512

ONGWEDIVA – Omukokele moshitopolwa hogololo Ogongo opamwe nuutekulu we oya thigwa puuyelele konima sho omulilo gwa fike po egumbo lyawo Etitatu oshiwike sha yi.

Omukulupe gwomimvo 78-Evelina Nambala omukalimo gwomomukunda Okagongo moshikandjohogololo Ogongo moshitopolwa Omusati okwali a thigi aatekulu ye aashona yatatu megumbo omanga ye a ka talelapo puushiinda pethimbo oshiponga shika sha holoka.

“Aanegumbo mbaka oya thigwapo ashike niizalomwa mbyoka ya li ya zala omanga omulio inaa gu hanagula po egumbo lyawo. Ngame ondi na elago oshoka aashiinda oye shi pondola okukutha mo yimwe yomiinima  yandje mondunda yandje.

“Onkene otatu indile Aasamaria aanamutimahenda  moshilongo ashihe opo ye tu kwathele na kehe shoka taya vulu. Kehe shoka, kutya nee iikumbatha, iikulya, iidhikithomwa mwa kwatelwa omwiidhi gwokukumba, iizalomwa, oombiga, kehe shimwe otashi ketu kwathela oshoka tse katu na nando osha pethimbo ndika,” osho Martinus Nambala Kashele omutekulu gwa, gwaNambala a indile.

Kashele ngoka wo aadhika a pita mo megumbo sho oshiningwanima shika sha holoka, okwa ti  omulilo ogwa hanagula po ashihe shaandjawo mwa kwatelwa niikulya oshoka niigandhi oya pya po komulilo. Aatekulu yagwaNambala oye na Elago oshoka inapa mona nando ogumwe gwawo oshiponga nenge gumwe gwawo a ehamekwe.

Kashele okwa ti kape shiwike kutya oshike sheeta omulilo, ndele aanegumbo otaya dhiladhila kutya ngiika omunona nguka omushona oye a li dhana nomulilo ngoka gwa kwata egumbo alihe.

Pethimbo aashiinda ya Nambala ya tondoka onkugo oku ka dhima omulilo nenge oku hupitha yimwe yomiinima yomegumbo ndyoka okwa li kwa toka . Oya li ashike ye shi pondola okuhupitha yimwe yomiinima ya Kashele okuza mondunda ye yokulala.

LEAVE A REPLY

Please enter your comment!
Please enter your name here