Ethigathano lyetanga lyokoompadhi pOmuthiya

0
210

 

OMUTHIYA-Aakalimo yomondolopa Omuthiya gwIipundi oyali yena ehuliloshiwike ewanawa kakunawe sho FNB ali eya etele uudhano wokatanga kokoompadhi moka oosipana dhili 10 dha za moshitopolwa dhali dha kuthombinga.

Uudhano mbuka owali wa kwashilipalekwa  ku FNB,ombelewa yomaudhano mOmuthiya opamwe nElelo lyondoolopa yOmuthiya ehuliloshiwike lyaziko nokapandi ko N$ 5000.

Nando oosipana odhindji odha li dhakutha ombinga opwali owala puna okukala omusindani gumwe ngoka atoolapo ondjambi yotango muudhano                mbuka.

Lau Lau Omuthiya  Fc oya li ya dhengemo Onyuulaye Circuit medhingoloko lyahugunina ookola mbali monola nokutoolapo okapandi koodola N$ 1700 nekopi.

Onyuulaye Circuit oyali nduno ye ya pehala etiyali noyali yapewa N$ 1100.

Uudhano mbuka nando owali ashike pamuthika gwomainyanyudho owuli oshitopolwa shependulepo lyomaudhano mondoolopa yaMuthiya niitopolwa ya dhingoloka odolopa ndjika.

Owuli wo tawu gandja iiholelwa iiwanawa kuunona uushona noku ya pa omukumo oku kutha ombinga momaudhano nokwiikaleka kokule niingangamithi               nelongitho nayi lyiikolitha ndyoka ngashiingeyi  lyavuka moshigwana shokomongula.

Ethigathano ndika olya li lya nana aatali oyendji mboka ya li ya ngundumana pokapale ko FNB pOmuthiya.

LEAVE A REPLY

Please enter your comment!
Please enter your name here