Luis naPermithias, opuna gumwe eli moshiponga shokugalukila kegumbo oshiwike tashiya

0
249

WINDHOEK-Lyaninga natango ethimbo moka kehe ondjuhwa tayi tondoka nekandjangali megumbo lyo Big Brother Africa (BBA) Hotshots, ngashingeyi yili moshiluku shawo oshitimugoyi.

BBA Hotshots okwali a ulikwa noku tseyithwa oSoondaha ya piti moka mwa kwatelwa aalumentu aaNamibia yaali, Permithias naLuis. Nonando aalumentu mbaka ya ulike uunyakwa wawo esiku lyetseyitho neuliko lyo BBA, gumwepo gwomuyo okuli natango moshiponga okugalukila kegumbo oshiwike tashiya pamwe naanegumbo ooyakwawo mo BBA yeli 23.

Shika osha holoka sho omunegumbo gumwe omuNigeria, Laveda a hogololwa onga oye omukuluntu gwegumbo moka yeli taya ningile ethigathano lyawo, na oku ikutha moshiponga shokutidhwa megumbo.

Pehogololo ndika, Permithias  okwa li a mono iitsa 68, 3 % sho ali a ulike uunongo we noku imba okangalo noshiketala ta ka ithanwa Omutima gwandje oguli momake goye. Luis Munana okwa li a mono iitsa  58, 3 %  sho ali a ningi okahokololo ta ka ti ngaye enyakwa.

Etseyitho neuliko lyotango lya BBA okwali lya kwatelwa komeho kaahikingalo yo pondje yoshilongo ngaashi Emmy Gee, AB Crazy & DJ Dimplez nuungalo wawo Rands naNairas.

Omuhikingalo omuSouth Africa Cassper Nyovest, Doc Shebeleza naDavido omuNigeria nokangalo Skelewu. Ngashingeyi ethigathano olya kwata miiti okutala ngoka ta yi nomwaalu USD300 000 kegumbo muule womasiku 63. Omahogolob oga tameka nale pa SMS, We Chat nge kowebsite yoBBA www.bigbrotherafrica.com.

LEAVE A REPLY

Please enter your comment!
Please enter your name here