Naifo na Vilho ya si miiponga yiihauto

0
281

ONGWEDIVA -Aalumentu yaali yomoshitopolwa shaHangwena oya li oya si ombaadhilila sho iihauto yawo mbyoka yali taya hingi ya kandoma noku ya dhipaga miiponga iyali ya yoolokathana. Metitano lya ziko komatango moshitauwa oshinene pokati kEenhana na Shigambo popepi nomukunda gwedhina Oshaaango opwali pwa gwile oshihauto shoNissan. Oshihauto shika osha hokololwa shali sha dhipaga nakusa gwedhina Teofelus Salatiel Naifo omunamimvo 45. Okwa hokololwa kutya omufaalelwa ngoka a li moshihauto moka okwali a hupu kena nando oshilalo sha sha. Osheetithi shoshiponga kashi shiwike ashike omuhingi gwoshihauto shoka ngoka woo a ehama ashike kashona okwa adhika ashike ta hingi nombapila yoku ilonga okuhinga na okwa mangwa po kopolisi. Aapambele ya nakusa oya tseyithilwa nale. Moshitopolwa tuu omomuka omwa holoka woo oshiponga shinyanyalitha mOlyomakaya sho omuhingi gwoshihauto a kanitha okondolola yohauto ye etayi kandoma. Epharaim Vilho omunamimvo 55 ngoka ali ta hingi oshihauto she sho Toyota Hilux okwa hokololwa kutya okwa si ashike konima sho ohauto ye ya kandoma noku ihata pevi. Aapambele ye oya tseyithilwa nale na okwa limo  oye awike mohauto. Iiponga mbika yopaali oyali ya kolekwa komupopiliko gwopolisi moHangwena, Shisande  Kuume Iitumba.

LEAVE A REPLY

Please enter your comment!
Please enter your name here