Omukiintu a pandeke uunona nomalyenge wafa iinamwenyo

0
348

OKAPUKU – Omukiintu gwoomvula 44, okwa kumitha aantu pomukunda gwauo nopomudhingo noko, sho a kala ha thigi a manga uunona uushona momalyenge omanga ye ta kata pashiyona noku ka nwa omalovu.

Shino oshali sha monika mo sho iilyo yoWoman and Man Network ano aapolisi yomomikunda momukunda Okapuku mOndonga yiitsu okanona koomvula ne ka pandekelwa momalyenge, ka kalelwa kukakwao koomvula mbali, megumbo lyili momukunda moka.

Uunona anuwa ohe u thigi po kauna nando iikulya nenge omeya gokunwa, nando ona kele ta galuka ko kuundingosho uusiku uthike peni.

Oshinima shika oshali sha lopotelwa opolisi yomOmuthiya oshiwike sha ziko, kelyenge lyaakiintu naalumentu mboka haya kondjitha iimbuluma, nomukiintu nguka okwali a kwatwa po, ihe okwa ka mangululwa konima yethimbo.

Pahokololo lya gandjwa kopolisi otali ti kutya omukiintu omugundjuka gwomomukunda muka okwa lopotwa ta hepeke uunona mboka a pewa kaamwayinagona opo eu tekule nokuusila oshimpwiyu.

Ta ku hokololwa kutya hono kena oomvula ne oha thigi eka manga mokugulu nelyenge lyuule woometa mbali lwaampoka lya pandekelwa moshiti, e ta pata elyenge ndyoka nekumba.

Omukiintu nguka yemwene okuna okaana kemwene ke thike ngaa puukwao mpoka ihe ohayi nako kuundingosho.

Opolisi tayi hokolola kutya konima sho ya lopotelwa oshiningwanima shika ku gumwe ngoka iitsu muunona mbuka, oya ti oyali yayi kegumbo hoka noku tala ngele shoka tashi popiwa osho shili. Otwali twa adha uunona mbuka wuli megumbo owo awuke naahono okakuluntu kokakwawo okali ka mangwa nelyenge etali patwa nekumba,” Leonard tati ngaaka.

Uunona anuwa owa hokololele aanambelewa kutya omathimbo galwe auhe oha u pandekwa.

Pamapulapulo omukiintu nguno okwati ye mwene halyo ando elalakano opo a kale ta thigi a manga okanona hoka nelyenge pompando, otati okanona ihaka uvuko okatsini nomusaane gwe ngoka eli mwene gwegumbo anuwa okwa tula po ompango opo ngele megumbo taya zimo ya kale haya thigi okanona haka ka mangwa opo anuwa kaaka kadhane iinima megumbo, no ye wete kutya ngono ka geshi omahepe ko guunona.

Opolisi oyali ya gandja oshimbuluma shino kuuministeli wuuthike pamwe negameno lyuunona opo yi ungaunge nasho, yo ya kandule po omukundu nguka meendelelo. Tayi kunkilile aakwashigwana ya hulithe po omahepeko guunona.

LEAVE A REPLY

Please enter your comment!
Please enter your name here