Omunangeshefa omugundjuka ote shi enditha nawa muutekenika

0
202

WALVIS BAY – Omunangeshefa omugundjuka gwomolukanda lwaKuisebmond, Johannes Ndesipanda Shitaleni okwa ti kashishi oshipu okutameka ongeshefa okuza pevi, oshoka iilonga mbika otayi pula uudhiginini oshowo eitulemo lyolyene.

 

Shitaleni ngoka iilonga uungomba womauyelele mokoligi yoIOL okuna ositola yemwene yiikwa IT moKuisebmond.

 

Oha gandja omayakulo ngaashi okupangela ookompiuta noocellphona, oku tulamo ooprogramam ookompiuta , okutula iikwakompiuta pethimbo oshowo oku ningila aayakulwa oondjukithi dhopamalusheno. Oha gandja wo omayakulo goku ninga ookopi, okutuma oofaksa unene ha ga longithwa kaakalimo yomoKuisebmond.

 

Shitaleni okwa ti konima yokupita eilongo lye kali we a hala okulongela omuntu onkene okwa tameke mbala okukonga omikalo nondjila ndjoka ena okulandula nkene ta dhikepo ongeshefa yemwene.

 

“Onda longitha iimaliwa ayihe mbyoka ndali nda pungula nokonima onda egulula ongeshefa oshona mendiki lyoongeshefa lya Nathaniel Maxuilili mo  Kuisebmond omumvo 2012”, osho Shitaleni  a fatulula.

 

Shitaleni okwa ti okwa kala ta pungula oshimaliwa omanga ta longo nongeshefa ye. “Onda tameke okupungula iimaliwa opo ndi tunge ositola yandje mwene, ndjoka nda manitha kuyele nuumvo pegumbo lyandje,’ osho a fatulula.

 

Okwa ti nando oyendji ohaya popi kutya ota wilike ongeshefa yuukilila na ohayi gandja eyakulo lili nawa moKuisebmond, okwa ti shika oshi mu uvitithe uugumbo.

 

“Etompelo enene molwashike ongeshefa yandje yili moKuisesmond omolwashoka aantu yetu oyendji itaya vulu oku ka konga omayakulo ngoka taga adhika ashike mondoolopa momwene. Ngaka oge li peelo lyoye nenge popepi nangoye onkene ino pumbwa okulongitha oshimaliwa oshindji okufuta otaxi yi ku fale kodoolopa,” osho a fatulula.

 

Okwa ti okwa tameke ongeshefa yiikwatechnologi oshoka uuyuni wonena owa ya komeho pautechnologi nelongitho lyuutechnologi olya ninga oshipumbiwa shesiku kehe monkalamwenyo yomuntu nomoongeshefa odhindji.

“Iilongitho yopamalusheno ngaashi ookompiuta noongodhi ohadhi pumbwa okupangelwa omathimbo nomathimbo.

Onkene omuntu owa pumbwa okulongitha ompito ndjika noku yi ninga oyo ongeshefa yoye. Hangame awike ndele kehe omuntu ta ilongo okulonga niikwakompiuta.”

Okwa ti okuna elalakano okunenepeka ongeshefa ye oku yi fala koVenduka oshowo kuumbangalantu woshilongo.

“Osho eshongo enene okutameka ongeshefa ompe. Eshongo enene oondyoka lyokumona oshimaliwa shoku tamekitha. Osha li oshidhigu oshoka omuntu owuna oku ka konga omikuli koombaanga nenge komahangano giimaliwa.

Otundji ihatu sindana moongeshefa oshoka katuna shoka hatu kwashilipalekitha ombaanga opo yi tu inekelele iimaliwa yayo.Monkalo yandje ngame onda tokola ndi tameke naashoka ndina mwene pehala lyoku ka hehela omikuli, naashika osha longele ndje nawa osho Shitaleni a ti.

 

LEAVE A REPLY

Please enter your comment!
Please enter your name here