Onyeka yepumba ye ku fala kwaandji yomuhongo

0
278

ONGWEDIVA  – Kuku Leena David nonande eli mepipi lyuukokele ina hala a kale eli megumbo lye a tegelela owala oshimaliwa shopenzela. Omanga ena oonkondo okwa tokola opo a longithe uunongo we mboka a pewa  keshito.

Sho ali ayi moonkundathana noshifo shika noku ulika iilongomwa ye mbyono heyi nduluka po yemwene.

Yemwene omukulupe gomimvo omilongo hamano nomugoyi (69), a yambukile momukunda Elyambala mOngwediva moshitopolwa shaShana. Okwa ti okwa tameke okuhonga iiyuma, omatiti,oombiga,uutenda, uulyenge womothingo niinima yoku opalekitha mookombitha nomoondunda dhokuuhala.

“ Pethimbo tatu putuka meme okwali ena onzimbogo mono a kala owala ha longo no ha nduluka iiyuma, onda kala he kala ndemu tala nkene ta longo iinima ye mbika sigo limwe lyomomasiku nangame nda tokola opo ndi mu yelekele ndi tale ngele otandi vulu ndi honge po  shimwe, sho nda kala noku mu holela ngeyi onda mono kutya nani nangame otandi vulu ndi ndulukepo iiyuma, onga meme, onda kala noku longa ngeyika sigo nda pyokoka,” kuku David tati ngaaka.

Okwa holola kutya petameko kashali oshipu kuye opo a totepo onzimbogo ye, opo a kale ta longo iiyuma yomaludhi.

“Onda kala ethimbo tandi kambadhala ndali handi longo owala iiyuma iyali mesiku sigo ohandi longo yaadha pomilongo mbali, omwaalu tagu ende ihe tagu yi pombanda , po opo nda monene kutya nani omukulu gonale ina puka sho a tile Onyeka yepumba ye ku fala kuyomuhongo,” ta ti nga.

David ta gwedhapo kutya okwali a mono uunongo wokuhonga iiyuma koVenduka sho ali a ithanwa opo a ka longwe ko Nationa Art Gallery ye a kale a pyokoka nawa, ko oko a mono omadheulo ga gwana. Okwa holola kutya okwa tameka okuhonga iiyuma mbika meloya okuza mo 1982, ashike ngaashingeyi okuna ehala enene megumbo lye mono omo ha hongele.

“ Ondina aantu handi yape omadheulo ga nkene to vulu okuhonga iiyuma ,omatiti niinima yopamuthigululwakalo, nomadheulo ngano ohandi ga gandja oshali shamuhongi otandi indile ku kehe ngoka a hala okudheulwa a kwatathane nangame opo ndi mu longe nkene iiyuma hayi ningwa,” ta ti ngaa.

Omumvo gwa ziko okwali a ka ulika iinima ye mbika kondje yoshilongo ko India hono ali a ka kalelapo Namibia moku ulika iilongomwa ye mbyono ha ndulukapo yemwene.

Okwali woo a ka ulika koBotwsana. Okwa indile oomeme mboka yena oonkondo opo ya ninge oonzimbogo dhawo momagumbo yo ya kale taya hongo iiyuma yawo tati omuntu owu hole ho kambadhala ino kala owala wuli megumbo wa tegelela oshimaliwa shopenzela.

LEAVE A REPLY

Please enter your comment!
Please enter your name here