Uudhano woVolley mOshakati mOlyomakaya

0
232

ONGWEDIVA-Oshakati Pharmacy oya gandja okapandi ko N$1 5000, kokangundumutima ketanga lyovolleyball kokuumbangalantu, hoka taka longekidha uudhano wetanga lyokomake ehuliloshiwike ndika mOshakati. Anna-Maria Abraham okwa ti uudhano mbuka otawu ka kala ko ehuliloshiwike ndika pokapale kEmanguluko mOshakati. Okwati oosipana oompe noonkulu adhihe odha tegelelwa okukutha ombinga muudhano mbuka,na kehe ospana oyi na okufuta ooN$300, opo dhi ishangithe methigathano ndika. Oosipana dhaalumentu naakiintu odha tegelelwa dhi kuthombinga opo omakondombolo gaka lye ehete mpeyaka pOshakati. Okwa pandula Oshakati Pharmacy omolwekwashilipaleko ndika a ti ndika olye ya pethimbo ewanawa oshoka uudhano woludhi nduka owa fa tawu liwa oshipungo kombinga yoku yambidhidhwa. Anna-Maria Abraham okwa ti elalakano lyuudhano mbuka kali shi owala okugandja omasindano koosipana ndhoka tadhi ka sindana ashike olyo oku eta uudhano mbuka koshigwana, okulonga oshigwana kombinga yoVolleyball, nokumona iitalenti mokati kaagundjuka. Okuna etegameno kutya uuna oshigwana sha hokwa uudhano mbuka nena elongitho nayi lyiikolitha oshowo lyiingangamithi ota li ka shuna pevi. Pethimbo ndika iikolitha niingangamithi ota yi hala okuninginitha aanwi naalongithi yayo mombwili yoluhepo nuuthigona. Osipana ndjoka tayi sindana otayi ka pewa N$3 000, ekopi, noombandi dhoshingoli. Osipana ontiyali otayi pewa ooN $2 000 noombandi dhoshisiliveli, omanga ndjoka tayi ya pehala etitatu ooN$600, noombandi dhoshikushu. Anna-Maria okwa ti ekwashilipaleko ndika olyo enene shili mondjokonona yetanga lyokomake kuumbangalantu, onkene ota indile aantu koombinga adhihe ye ye ya kuthombinga yo yi ilonge wo oompango dho volleyball.

LEAVE A REPLY

Please enter your comment!
Please enter your name here