Uumbautu wAakatyali osho wa thiki

0
243

OKATYALI – Kuyele mu Aguste nuumvo sho ehangano lyoSea flower mo Luderitz lyali lya gandja omagano guumbautu koshikandjohogololo shaKatyali.

Kansela gwoshikandjohogololo shika Joseph Mupetami okwa kala ena omaipulo ogendji kutya ote shi ende ngiini opo a thikithe uumbautu mbuka kegumbo.

Mupetami okwa kala ta kongo osheenditho opo a thikithe uumbautu mbuka wo wu vule ku monika kaakwashigwana. “ onda kala  noku ninga omakupa opo ndi uve ngoka ena ohokwe no kuna olukeno noshigwana opo etu kwathe osheenditho dho oombautu dhetu dhi thike maakwashigwana yetu mbono ya kala ye dhi tegelela,” Mupetami ta ti.

Oombautu ndhino odhali dha thiki mOkatyali mOlyomakaya ga ziko sho Uuministeli wegameno wa yamukula Mupetami mompumbwe ndjika yosheenditho. Aakwashigwana yopOkatyali nopuushiinda oyali ya gongala opo ya tsakaneke oombautu dhawo ndhoka ya pewa oshali kehangano lyo Sea flower.

Aakwashigwana okumona oombautu ndhono dha thikama moshikandjohogololo shawo nonande ya kala owala haya uvu ku kansela gwawo kutya oya pewa oombautu, oyali ya gandja olupandu lwawo oyendji taya ligola yo taya kugilile ye wete kutya oshikandjohogololo shawo osha adha esindano moonkatu odhindji.

Mupetami okwa gandja olupandu lwa shewa kUuministeli wegameno mbono weshi ningi oshipu opo wu thikithe noku eta uumbautu mbuka moshikandjohogololo shika, shono ta ti nonande ka shali oshipu oyeshi pondola naashino osha pitile momazigudhe ogendji.

“Uumbautu mbuno wuli utano otawu kala tawu longithwa pethimbo lyefundja , aanahambo yetu ya vule ku kala taya faalelwa iikulya oshoka kiitopolwa yimwe ihaku vulu ku thikwa uuna omvula ya loka ,otatu ka topola uumbautu mbuka niikandjohogololo yimwepo opo nayo ya vule ku kala taya taaguluka omeya gefundja, kamwe otaka yi kOmpundja, Uuvudhiya,Oniiwe,Okuma nOshituntu, oombautu ndhika otadhi kwathele muuwanawa woshigwana ashihe nandi shi yeleke kutya itadhi ka kwathela owala Aakatyali, ” ta gwedhapo ngaaka.

Omukalimo gomOkatyali Amulungu Nakanyala ngono naye ali a mono ompito eye a tale oombautu ndhoka dha thiki, okwali a pandula Mupetami molwa iilonga ye mbyono ta longo moshigwana, ta indile a tsikile noku gandja omakwatho ngoka ya pumbwa. Nakanyala okwa li a gandja omagano giitaagulukitho yomeya mbyono tayi kala tayi longithwa ethimbo aantu taya taaguluka omeya. Nakanyala okwa gandja itaagulukitho mbika yili iyali (2) ku kasnsela gwawo , yo yi ka kwathele mompumbwe ndjoka.

“Ondali nda pulakena koradio sho kansela gwetu a gandja elombwelo kutya oombautu odha thika megumbo, ondali ndina enyanyu enene shili mo kuuva ndhika oshoka uuwanawa owo twa pumbwa moshigwana, ondali nda kutha iitaagulukitho yandje mbyono ndali nda pewa komuhona gwetu pethimbo ndali handi longo kOmbaye, dho odho ihe nde eta nena mpaka,” Nakanyala tati ngaaka nenyanyu.

 

LEAVE A REPLY

Please enter your comment!
Please enter your name here