Esme omwiimbi, omuningi gwoongalo nomunyanyudhi

0
208

WINDHOEK – Okakadhona hoka ke na ondjelo ombwaanawa kedhina Esmeralda  Katjikuru, ka tseyika nawa nedhina lyomoongalo Esme, ohaka  imbi oongalo dhopambepo noJazz.

Esme okwa valelwa nokwa tekulwa moshitopolwa shokuuzilo molukanda olushona lwa Maltahohe. Okwa tamekele oku imba manga omushona ena ashike omimvo hamano. Okwa ilongela woo oongalo kenongelo lyopombanda lyo Semi-tone Music College.

Kakele kuunongo mboka wa Esme, okwa ulika woo uunongo we no ku nyanyudha oyendji piituthi ya yoolokathana ngaashi /Ae//gams, pomauliko guukadhona dhingi ogendji, NAMA’s, Windhoek Jazz Festival, Sistah Thang, Last Band Standing nongashingeyi oye eli omupopi gwethigathano lyo Joyful Sounds Choir Competition.

“Ngame sho ndili omuhikingalo, ihandi hogolola okupulakena nenge okulandula oludhi lumwe  lwoongalo, ashike ondihole oongalo ndhoka ha ndi ningi nonda gwila mohole nadho. Oongalo onde dhi hokithwa kaa imbi mboka yo pondje yoshilongo ngaashi Whitney Houston, Cece Winans, George Benson, Yolanda Adams naLuther Vandross, mboka ya kala ya nyanyudhandje moku kala kwandje  nomohokwe yandje yoongalo,” Esme ta ti.

Okwa gwedha po ishewe nokutya  ye oha hogolola oludhi lwe loku imba onga okwiimbwa hoka opo kwandulukwapo ko okuikalekelwa.

Oalubuma ye yo tango yedhina Perfect Plan oya pitile momumvo 2009 noya li yina omusholondondo gwoongalo 12 ngoka gwali gwa hokiwa koyendji.

Ota ti ngashingeyi okwi ilongekidhila okupititha oalubuma ye ontiyali ndjoka ta uvaneke kutya otayi ka kala ombwaanawa no tayi ka enda nawa.
 

 

LEAVE A REPLY

Please enter your comment!
Please enter your name here