Ethigathano lya Miss Ondobe otali ningwa muDesemba

0
182

EENHANA – Omazuna konyala geli lwopomilongombali otaga ka kutha ombinga methigathano lyomukadhona omwaanawa mOndobe, ndyoka lya thanekwa li ka kale ko petameko lyaDesemba nuumvo. Oonakuthigathana po mbaka otaya ka kondjela ondjambi yiinima yongushu yoodola omayovi gatano  mbyoka tayi pewa ngoka a sindana oshishani shomukadhona gwondjelo ombwaanawa.

Omulongekidhi gwethigathano ndika tali ningwa oshikando oshitiyali nuumvo, Josiah Hitandwa aka Allu,okwa ti ndika olya longekidhwa li ka kaleko muDesemba  ngele ayihe oya ende nawa.

“Ndika otali ka kala euliko limwe ewanawa moshitopolwa sha Hangwena oshowo mondoolopa ya Ndobe nokaaholi yomauliko ngaka mOndobe.Kakele kaashika tse otuna omusholondondo gwaakadhona yoombepo oombwanawa mboka taya ka ulika italendi yawo yoku inyenga pethimbo lyomathigathano ngaka,” osho Hitandwa a ti.

Okwa indile aayambidhidhi naakwashilipaleki opo ya joine omauliko ngaka okuyambidhidha ethigathano ndika. Omumvogu ethigathano olyo tuu ndika olya li lya kwathelwa nokukwashilipalekwa komahangano, Ok Supermarket, Moses Haufiku gwongeshefa yo  Lavida bar  nokiifonkundana New Era na Kundana.

“Otatu indile aayambidhidhi opo yetu kwathe ngaashi ye shi ningile omumvogu na otatu uvaneke kutya otatu ka hwepopeka omauliko ngaka oshowo otatu ka gandja oondjambi dhili nawa kaasindani uuna ethigathano ndika  lya manithwa mu Desemba.

“Hitandwa okwa ti aakadhona otaya ka longitha ethigathano lyaMiss Ondobe oku ilongekidhila ethigathano lyomukadhona dhingi gwOpothinge, moshitopolwa shaHangwena,

“Ethigathano lyomukadhona dhingi pOthinge  moshitopolwa sha Hangwena olili oshitopolwa shoonkambadhala dhetu oku imonena ehala lyetu mokaalita komainyanyudho nomauliko gaakadhona aawanawa moshilongo,” osho a gwedha po.

Hitandwa okwa pandula molweyambidhidho ndyoka ethigathano ndika lya mono okuza kaanangeshefa yomoshitopolwa shoka, nkene tuu ndika lya tamekelwe omumvogu. Aahikingalo yo Rockaz, Buhkeid, Supper socks na  Gallo 7 oya li ya nyanyudha aatali yomathigathano ngoka gomumvo 2013. Omumvogu ethigathano ndika olya sindanwapo ku Saiya Maiyah Sartiel, ngoka a ningi Omukadhona Omwaanawa gwomOndobe,omanga  Amenenge Nangeni na  Maria Katewa oya li ya pewa iishani yuukombanda wotango nuutiyali, kehe gumwe polwe.

 

 

LEAVE A REPLY

Please enter your comment!
Please enter your name here