Euliko netseyitho lyoalubuma yaGazza lya ende nawa

0
244

WINDHOEK– Euliko netseyitho lyoalubuma yaGazza ontimulongo yedhina Ondjila ndyoka lya li  lya ningwa Olyomakaya ya piti pokapale koRugby kaHage Geingob, olya endele nawa.

Aaholi yoongalo naakwashigwana ye vulithe po 3000 oya li ya holoka keuliko ndika opo ya inyanyudhe noku uvithwa nawa komainyanyudho ngoka ya li yya longekidhililwa.

Etseyitho ndika olyali olyo limwe lya talikako dhingi oshoka inali ningwamo nale moshilongo. Pokutula oshiindingili pomuthika gwopombanda, meuliko omwali mwa kwatelwa aahikingalo yopondje yoshilongo ngaashi Davido ngoka aza koNigeria, nongundu yoku imba yoUhuru ndjoka ya yambuka koSouth Africa.

Aahikingalo aaNamibia  mboka yali ya nyanyudha shinene ongaashi Sally, Freeda, The Dogg, Maszanga, Blacksheep nooyakwawo oyendji.

Gazza oye ali gwahugunina kostage oku ulika wumwepo womoongalo dhe oompe dhomoalubuma ye Ondjila. Nonando okwa li kwa toka unene, Gazza okwa imbi oongalo dhe dhili ne, mwakwatelwa Shuna Monima, Babazile, Tufike Apa, naChaka Dimaz. Euliko ndika  inaali nigwamo nale moNamibia olya li  ishewe lyanuninwa okudhana esiku lyoGMP, ehangano ndoka lyaGazza lyoongalo.

 

 

 

LEAVE A REPLY

Please enter your comment!
Please enter your name here