Iiponga ya ninga oyindji mondjila onene yOshivelo nOndangwa

0
288

ONDANGWA – Opolisi mOshikoto oyali ya lopota omwaaalu gwiiponga mondjila yOshivelo nOndangwa mbyoka tayi ende tayi indjipala esiku nesiku. Willem Peter ngono eli komufala gwopevi mOshikoto okwa li a tseyitha ndhika sho ayi moonkundathana niikundaneki.

Pethimbo ta popi ndhika okwa li a tseyitha oshiponga sha ningilwe pOnyaanya, uusiku wokupendukila etine oshiwike sha yi,mono aagundjuka yaali aakadhona Elizabeth Engombe gomOnyaanya na Taimi Ntinda a zile kOshitayi ya pumwa okusa ye  omuhingi ngoka okwa fadhukapo inaa monika.

Peter ta indile kehe ngoka wuna uuyelele kombinga yohauto ndjika ya eta oshiponga shika opo wu kwatathane nopolisi ngoye wu longele kumwe na yo opo ku monike nakweetitha oshiponga shika. “Uuna omuhingi wa eta oshiponga kambadhala waa matukepo opo opolisi yi ye yi ninge omakonakono yo yi tale osheetithi shoshiponga,” Peter ta kunkilile ngaaka.

Okwa holola woo kutya oshinima shaahingi taya lyata nokupuma aantu moopate etaya matukapo osha londa unene mOshikoto, tati oshinima oshiwinayi nokwa kunkilile aahingi ya simaneke oompango dhomoondjila yo taya kala haya shuna ondapo pevi uuna ta ye ya pomahala mpoka hapu taagulukile aantu.

Moshiwike omo tuu moka opolisi oyali ya tseyitha omulumentu goomvula dhopokati  a hulithile poshiponga sho a pumwa kohauto mondjila omo tuu moka. Natango na ku etitha oshiponga shika ota kongwa kopolisi,oshoka anuwa naye okwa pumu owala omweendikolupadhi nguka no ku fadhukapo.

Opolisi natango oya tseyitha oshiponga shoka sha ningilwe mOsoondaha komatango sha ningilwa pomilunga dhili pooha nondjila shampa wa kondo Iihwali, sho oohauto mbali ndhono dhali ta dhi zi kondjila onene yaNdangwa,  ta ku hokololwa kutya oohauto ndhika odhali tadhi sineya omanga komeho ta kuzi ohauto natango ndjono ya adhika yili popepi.

Mbono yamwe ya mono oshiponga pethimbo tashi ningwa oyati oohauto ndhoka odhi ipumu nokuya mombanda mono dha ka vukulamo nomulunga gwa zamo nomidhi dhago. Opolisi oyati poshiponga mpano inapu sila omuntu nonande yamwe ya ehamekwa unene.  Mohauto yobaki omwali muna aantu yatatu (3), omanga mokahauto okashona koka citi golf mwali muna omuntu gumwe ayehe oyali ya falwa koshipangelo shaNandjokwe mbala opo ya ka mone epango.

Accident 1 –  Mpano otapu monika aakwashigwana taya tala poshiponga shoka sha ningilwe mOsoondaha muuzilo wIihwali, mondjila onene yopokati kOndangwa nOnathinge.

 

 

LEAVE A REPLY

Please enter your comment!
Please enter your name here