Kaapanda iindile Aashitishiwa ya hogolole

0
247

OSHITISHIWA – Ominista yomauyelele nomakwatathano gwopautekinika, Joel Kapaanda okwa kumagidha aakwashigwana opo ya kale nombili nengungumano yo ya ilongekidhile omahogololo ngoka geliko pehulilo lyomwedhi tuuka.

Okwa lombwele aakalimo yomOshitishiwa moshikandjohogololo shaKongo kutya epangelo oli na olukeno nayo na otali ningi oonkambadhala adhihe ngaashi tali vulu okukandula po omashongo gawo ngoka geya taalela ashike ohashi pula ondjila onde oku ga  kandula po mbala.

“Namibia oshilongo oshinene, na kehe moshitopolwa omuna omashongo gamo ga yooloka onkee  otashi pula ethimbo ele okukandula po omikundu  adhihe miitopolwa ayihe mbyoka pethimbo limwe nomeni lyethimbo efupi, ashike opuna ngaa dhimwe dhomomikundu ndhoka tadhi kundathanwa meendelelo,” Kaapanda a lombwele aakwashigwana.

Shika Ominista okwe shi popi sho aakwashigwana mbaka ya li ye mu hololele kutya yo oyena omashongo ogendji ga yooloka geya taalela no kayena ohokwe yo kuka kuthombinga momahogololo ta geya.

Gamwe gomomashongo ngoka ga tothwamo kaakashigwana komeho gaMinista ngoka ongaashi opate ndjoka taya ti kutya oya pumbwa okutulwa omamanya opo yi vule okulongithwa oshoka  oyina efululu olindji.

Aakwashigwana oyali woo ya ulike mo gamwe gomomashongo ngaashi omeya iina ga yela ganyata taya ti kutya opwa pita oomvula odhindji oshilongo sho shamanguluka ashike natango otaya nu omeya gaaluudha noonkondo.

Kaapanda okwa ti oompumbwe ohadhi lopotwa tango kookansela yo ookansela taye dhifala kiikondo mbyoka hayi ungaunga noompumbwe ndhoka shiikololela kutya odho ludhi luni.

“Epangelo olina omashongo ngoka  ga taalela aakwashigwana momadhiladhilo onkee lyo ita li mu dhimbwa,” Kaapanda osho a  uvaneke ngaaka.

Okwa lombwele woo akwashigwana ya simaneke elongo oshoka olyo tali ya  putu dhile oshigwana naaleli yokomongula .

“ Omadhilaadhilo getweni ngashingeyi naga taalele komahogololo opo tu ka hogololeni omuleli gwetweni ngoka etwoopaleleni.

Ashike aakwashigwana oya indile nesimaneko enene opo aalongi yomahogololo ya thike mbala pomahala goludhi nduka yo yav ule okuya dheulikika yo  ya wape oku ka hogolola omahogololo gawo yena uunongo wa yela.

Oya lundile wo Okommissi yOmahogololo [Electoral Commision of Namibia] kutya oya ndopa oku fala embo kuyo opo ya kwashilipaleke kutya omauyelele gawo sho ya inyolitha omahogololo oge li mondjila.

 

LEAVE A REPLY

Please enter your comment!
Please enter your name here