Kaapanda a tsakanene naalongwasita oyakwawo

0
195

OKONGO- Minista yOmauyelele nOmakwatathano gOpautekenika Joel Kaapanda mOsoondaha ya zi ko okwa li a nyanyukwa noonkondo sho a li a tsakanene nookuume ke aakulu mboka ali ta sikola nayo kosikola yuusita kOtjimbingue.

Joel Kaapanda ngoka eshiwike nawa kutya omulongi keithano osho a holola kutya, na ye woo okuli  nenge ndi tye omumati gwaKalunga  keithano oshoka okwa li kosikola yopombanda yuusita kOtjimbingue.

Kaapanda okwa li a tsakanene nookuume ke kopothingo mboka ali na yo kOshimbingwe momvo 1976 sigo 1979 moka eya ihula sho a zi ko sho a yi muupongekwa.

Nonando oshapumba okudhimbulukwa ookuume yoye aakulu mboka kushi nokuli kutya oyeli momwenyo nenge kayemo, Kaapanda okwa tokola opo a pulaapule molukanda lwaKongo ngele ookuume ke oye shiwike.

Ookuume kaminista oyo nee Timoteus Hameya ngoka woo konima a ka ninga omutumwa gwaMinista gwokegumbo sho a ningi omukwaita oshoka oya li haya kala momuthitu gwaKongo.

Hameya ngoka ali ti imemeha sho amono mumwaina (Kuume) ke kopothimbo sho emwi ihula oomvula 35 dha pita po ka kwali ena iitya nomatumbulo oshoka ondjuulukwe oyali po iitya ayihe.

Hameya nomukulukadhi gwe Lusina Ndeishipulula Hameya ngoka woo ali kOshimbingwe ethimbo ndyoka omusamane gwe ali kosikola yuusita okwali adhimbulukwa nkene ya kala no kwiilonga Ombiimbeli.

Kakele ko kOshimbingwe Lusina okwa kala woo nokutelekela minista momvo 1979 sho ya kala aakwiita yoSwapo momuthitu gwaKongo moka ya kala taya kondjitha omutondi.

“Minista otwa kala naye lela nuukuume  wetu owa kala wa kola okuza ngaa kOshimbingwe sigo omOkongo sho yali taya kondjitha omutondi momuthitu moka,” Lusina a hokolola.

Lusina okwa ti kutya ye nomona Albertina Hameya oya kala noku telekela iipumbu yaakwaita yoSwapo sho ya kala taya ende pegumbo lyawo.

Okaume mbaka oya kala taya yolithathana taya dhimbulukwa iinima yawo yonale uunene pethimbo ndyoka  yali aagundjuka.

Shika oshalongo wo Kundana kutya dhaamonathana omuti nomuti ashike aantu yoompadhi mbali ohaya monathana nande na pa pite ethimbo ele.

 

 

 

LEAVE A REPLY

Please enter your comment!
Please enter your name here