Luis  a lilile Mira ngoka a kuthwa mo megungo lyaBig Brother

0
252

Omukalelipo gwa Mozambique megumbo lyoBig Brother, Mira okwa thigi,  Luis Munana momulonga gwomahodhi konima sho ekale mo lye megumbo ndyoka lya hulithwa po Osoondaha ya yi.

 

Mira osho wo Resa gwokoZambia oyo aakalimo yotango yomegumbo ndika yaali ya kuthwamo. Shika osha ningwa konima sho aanegumbo mbaka ya kalelapo iilongo 14 ya thikile megumbo ndyoka konima yoshiwike shimwe. Oyendji nenge ayehe oya li ya kambadhala okufuula enenevi mokuulika italendi yawo ongo aantu ya Pupyala.
Konima yoku zamo megumbo Mira okwa zimine kutya okwa li popepi na Luis pethimbo ndyoka efupi a kala megumbo moka, onkene onkundana yokuzamo kwe oya li yeetele omukalelipo gwaNamibia nguka oluhodhi. Shika osha monika sho Luis  hupita Mira omanga nguka inaa thigapo egumbo no kwe shi ningi ta tilehi ehodhi. Ezomo lya Mira olya gumu Luis ngoka a hempulula oku gumwa huka pethimbo lyoonkundathana na Big Brother mongulu yoonkundathana dhesiku kehe. Ezemo lya Mira olye mu etele oohodhi nonando a li a hupu inaa tidhwa mo megumbo.

“Ondu uvite ndafa nda kanitha oshitopolwa shimwe shandje, osho a hekumuna,” oshoka nguka oye gumwe gwomegumbo ngoka ya tungu uukuume nenge ekwatathano lyoonkondo.Nando ezemo lye olye mu etele omahodhi okwa ti ndika olye mu kumike woo.

Oshiwike shotango aanegumbo oyi ilongathana, noshowo oya longo iithigilwalonga mbyoka ya pewa kuBiggy ngashi ha ithanwa omathimbo gamwe.Oya fuula Big Brother noku sindanapo iinakugwanithwa yawo yotango  sho ya ulukile Biggy  iitalendi yawo yapupyala.Aanegumbo oya tameka nale uungundu omanga yamwe oya engenathana popepi.Mira okwa hupita Luis na Nhlanhla pethimbo lyoparty yotango omanga Idris na Goitse oya hokwathana mbala mbala nonando otaya dhana yi itegelela.

Aanegumbo oya pewa oshilonga shawo shotango hashi ithanwa Extravaganza Task. Omutse gwegumbo Laveda okwa hogolola oongundu mbali nokonima yoku shininga okwa eta okwaa uva nawa mokati kaanegumbo sho oongundu edhi hogolola  paanandunge oshowo pantseyo yoku ninga sha ngaashi okwiimba okuthaneka nosho tuu. Oshilanduli ooshika kutya aanandunge oya fuula aatali noshinyangadhalwa shawo nomauliko gawo na oya sindana opo kaa ya tulwe moshihogololitho oku zamo megumbo Osoondaha ndjika. Omupya omunene kongundu ndjika iilyo iyali yayo Mira na Resa, ina ya vula oku tyapula epandulo ndyoka, ndele shika osha pe Sheillah, Nhlanhla, Luis, Macky 2, Trezagah, Mr. 265, Sipe, Idris, Ellah, Butterphly na  M’am Bea ompito yo ku fudhapo oshiwike shika.

 

Aanegumbo sho ya lolithwa uukwashili womegumbo konima yoshiwike sho ku igilila okukala megumbo . Onkalo ngashingeyi otayi hokitha moshiwike oshitiyali. Omahogololo gotango oga ningwa Omaandaha oshiwike shika na Samantha ngoka oye omutse gwegumbo okwa hogolola omUganda Ellah opo ninge omunangundu gwa Esther, Frankie, JJ, Laveda na Tayo mboka mokati kawo omo tamu zi yaali mboka taya ka thigapo egumbo Osoondaha ndjika.

 

Ino dhimbwa okutala ezemo etiyali Osoondaha ndjika potundi onti 20h00 kongulohi koTiivii yoye AfricaMagic Showcase & Maisha Magic nenge potundi 21h30 CAT ko AfricaMagic Family, AfricaMagic World ko GOtv.

LEAVE A REPLY

Please enter your comment!
Please enter your name here