Nakapele oye enyakwa lyuudhano woVolley

0
173

OSHAKATI-Okalaba yoNakapele oyo omusindani guudhano wetanga lyokomake ndyoka lyali lya kwashilipalekwa kOshakati Pharmacy ehuliloshiwike lya zi ko mOshakati.

Okalaba yoNakapele oyo tayi tyakaleke ookalaba oonkwawo moshitopolwa, sho ya adha omasindano omanene momathigathano gomomumvo gwetanga lyokomake.

Ehuliloshiwike lya ziko nonando osipana ya Hifikepunye Pohamba Campus oya li shili ye ya etamo sho yali ya tsakanene medhingoloko lyahugunina Nakapele okwa li andjika oonyala mevi nokwadhengemo HPC ntano muyimwe.

Nakapele okwa faalele kegumbo Ekopi, oombandi dhoshingoli,nokapandi ko N$ 3000, HPC ngoka eya  pehala etiyali okwa li a pewa oombandi dhoshisiliveli ndhoka dhali dha thindikilwa nokapandi ko N$ 2000.

Okalaba yo Six Stars oye ya pehala etitatu etayi mbendekwa okapandi ko N$ 600, omanga Ohangwena Nampol yeya pehala etine nolya hugunina moka nayo ya li yapewa N$ 400.

Kuudhano waakadhona Osipana yoHPC oyo yeya pehala lyotango sho oyo yali yazimo niitsa oyindji momadhingoloko agehe, moka yi ilikolele okapandi ko N$3000, ekopi,noombandi dhoshingoli.

Nakapele okwali akuthapo ehala etiyali koomeme nokwali ambendekwa ekopi,oombandi dhoshisiliveli nokapandi ko N$ 2000, omanga Six stars eya mehala etitatu moka ali atoolapo N$ 1000 noombandi dhoshikushu.

Uudhano mbuka owa li wa kwashilipalekwa kongeshefa yOshakati Pharmacy nokapandi ko N$ 15 000,na owuli oshitopolwa shependulepo lyuudhano wokomake kiitopolwa yokuumbangalantu .

Omunashipundi guudhano mbuka koshitopolwa shokoNooli, Paulus Mulunga okwa holola olupandu lwe kongeshefa yOshakati Pharmacy sho yili shili ya tualpo oshimaliwa shi thike mpoka okukwathela muudhano mbuka  tawu liwa oshipungo moshilongo.

Okwa holola wo enyanyu nkene aakalimo yomOshakati ya li ya yamukula kehiyo lyawo noku kala puudhano mbuka wa li tawu nyanyudha.

Paulus okwa ti uudhano mbuka otawu kala hauningwa omuvo kehe okuza nuumvo.

 

LEAVE A REPLY

Please enter your comment!
Please enter your name here