Ondjodi ya ninga yoshili!

0
260
 
Aus – Edward Vlees okwa tumbula kutya ondjodi ya yaye ya ninga yoshili , yoku yeulula ombeka yeemboloto momukunda oAus moshikandjohoololo sha !Nami#nus moshitoplwa sha //Kharas.
Omushamane Vlees okwa yelifa kutya ondjodi yo ku yeulula ombeka, oya etifwa komukulukadi waye Maria Vlees oo akala nokulonga nou diinini, ha teleke eemboloto mokombifa yaye nokukalandifa momapandavanda.
O Aus omukunda uli oshinano shee kilometer 122 okuya ko doolopa ya Luderitz, noipumbiwa ihapu konyala mwakwatelwa nomboloto, ovakalimo vomo Aus oha ve ke ilanda ko doolopa ya Luderitz. Omunamido 51 Maria Vlees okwa yelifa kutya okwa ninga eenghendambala opo a konge omakwafo kouministeli woipindi noi kwafaabrika opo a vatelwe omashina okuteleka eemboloto, adule akonde omaulu ovakalimo vomo Aus okukalanda eemboloto ko Liindili, oko nokuli ovanangeshefa vamwe hava ka teka eemboloto, noku ka landifa ko Aus kondado ili pombada neenghono.
Maria ta twikele noku yelifa kutya, ina mwena , okudja kouministeli woipindi okwa twikila a yuka kombelewa ya Kansela woshikandjohoololo sha !Nami#nus, aka konge eyambidido, opo adule okutunga ombeka yeemboloto momukunda o Aus popepi neumbo laye.
Kansela woshikandjo hoololo sha !Nami#Nus, Jan Scholtz okwa ninga ekwatafano nehangano lo Anglo American Namibia Foundation, olo la udaneka okutunga ombeka oyo kondado N$57 000. Maria okuna etumwalaka olo eli ukifa kovakalimo vo mo Aus oshoyo kovaNamibia aveshe , opo vatule omafaneko mawa moilonga, ta tumbula kutya opena ovanhu vahapu vena omafaneko mawa, taa dulu oku va yambulapo noku yambulapo yoo oshilongo, ndele ovanyengwa oku tula omafaneko avo moilonga.
“Epangelo laNamibia olili lela tali vatele ovo vena ehalo lokutota eengeshefa, ndele eembelewa ita diya di konge omunhu meumbo , ndele oove una okuya kombelewa uka konge omakwafo”, Maria ta kunghilile ovanangeshefa ,naavo vena omafaneko okutota ongeshefa. Maria okwa kuta ovanailonga vatatu omuteleki weemboloto umwe no vawapaleki veli vavali mo mbeka yaye yedina Gorrety ‘ s Bakery mo Aus.
 
 

 

LEAVE A REPLY

Please enter your comment!
Please enter your name here