Pizo-Dash naye iikutha kohi

0
368

WINDHOEK – Omuhikingalo Petrus Shilongo a tseyika nawa nedhina Pizo-Dash oye omuhikingalo omushona ena omadhiladhilo omanene okutulula oongalo dhoshiNamibia pomuthika gwopombanda.

Pizo-Dash ngoka a valelwa mOngwediva momumvo 1994 okwa ti nande a li a kanitha He ngoka a hulitha manga ye a li omushona, ina shuna nando omonima ngele tashiya moongalo dhe. Pizo-Dash okwa koko ta pulakene  omakuya omanene moongalo ngaashi Gazza, Sunny-Boy, Mandoza, Brown Dash naArthur Mafokate, mboka yali yemupe ohokwe yokuninga oongalo momumvo 2006.

“Nande kehe gumwe oha ti kashishi oshipu, ondjila ndji nda enda ka yali ompu nande okashona, ka kwali ndina ngoka ta kwathele ndje, noshimaliwa shoku tamekitha oongalo dhandje kashalipo,” Pizo-Dash tati ngaaka.

Mo 2011 okwa li a ningi okangalo ke kotango kedhina So What hoka kali ka dhana kooradio odhindji dhOshiwambo.

Moku mana kwe ondondo 12 pOshigambo, okwa taambwa koshiputudhilo shopombanda sha Namibia (Unam) moka a kamona ompito ombwaanawa yokuninga oongalo dhe a manguluka.

Ngaashingeyi Pizo-Dash ota longekidha oku kapititha oalubuma ye yotango yedhina Ghost of Hikwa Olyomakaya ndjika. Ghost of Hikwa oalubuma ndjoka ta yi ka kwatelamo konyala omulyo gwongalo kehe ngaahi  oKwaito,Hip Hop, Hikwa, Rnb, Dancehall noRaggeatton. Oongalo ndhoka tadhi ka nyuwitha omakutsi gaapulakeni ongaashi ne Kwaito outta space, Esimaneko, Darling, Vandaag is Vandaag, Only you, Ghost of Hikwa, Aakwambi,Thinking about you okutumbula po ashike wumwepo.

 

LEAVE A REPLY

Please enter your comment!
Please enter your name here