Uunona wosikola wa pewa iinakugwanitwa mehangano lyuudhano woVolleyball

0
165

OSAHAKATI-Ewiliko lyuudhano woVolleyball kuumbangalantu olya kutha ko oongaku ngele ota shi ya kehumitho komeho lyuudhano mbuka moshitopolwa.

Shika osheya puuyelele sho ewilikongundu tali longekidha uunona uushona mboka owundji wu li pomimvo 13 sigo15 noku wu pa iinakugwanithwa mewiliko lyuudhano woVolleyball.

Konyala uumatyona wu li uhamano kohi yomimvo 15 wa za mOoprima sikola dhaShakati nOngwediva ota wu ulike ohokwe muudhano mbuka konima sho wa li wa pewa omapukululodheulo ku gumwe gwomaatseyi yuudhano mbuka pamwe naadhani aakulu.

Uumatyona mbuka owa li wa ulike iitalenti yawo ehulilo shiwike lya ziko sho owo wa li uugandji wiitsa nuuyeluli wuupandela pokapale puudhano wOshakati Pharmacy.

Ngoka eli omulongekidhi mependulepo lyaanyasha muudhano woVolleyball, Martin Shikongo “Whiteman okwa ti oya hala okulelepeka ekalepo lyuudhano mbuka nokonima sho mboka yeli mewiliko lyuudhano mbuka itaya ka kala we yena oonkondo dhoku tsikila.

Ta ti aagundjuka mbaka oyo nduno taya ke ya tsikulula ondjoko yewiliko lyoVolleyball moshitopolwa naashika okweshi popi keena omalimbililo oshoka iilonga tayi ulikwa kaamatyona mbaka ye li  lela pomimvo dhopevi  otayi etitha oonkondo.

Uumatyona mbuka owa li wa fuula oyendji mboka yali yeya okutala uudhano wOvolleyball ehuliloshiwike lya ziko mOshakati molwotseyo nendjangumuko lyawo lyondjungu.

Whiteman okwa ti shika oye shi ningi yiikwatelela keyeletumbulo lyomOshiwambo ndyoka hali ti kuuna mpagona kuniilya kuuna mutanda kunangombe.

Uumatyona mbuka ta wu ningi ondjokonona mongashiingeyi owo nee Ruben Hashohaikala,Jefta Kaulinge,Ben Shilongo David Haikali,Phelep Ndishimwene na Jason Jason.

Okwa ti otaya ka kala  nokulongitha uumatyona mbuka nomomathigathano geli komeho.

LEAVE A REPLY

Please enter your comment!
Please enter your name here