Welwistchia otaka talela po kondje yoshilongo

0
223

WINDHOEK – Jacques Burger oye ta kala kapitiya gwospana ya Namibia yorugby pethimbo ndjika tayi ka dhana oomaudhano gopambili niilongo yokUuninginino okutameka moCanada momasiku gaheyali gomwedhi tuuka. Ospana otayi ka dhana na Canada po Colwyn Bay esiku ndyoka ongo oshitopolwa shomaudhano gopambili ge li ga tatu, ga kwatelamo niilongo iyali yoko Europa.

 

Omudheuli gwospana ndjika, Danie Vermeulen, okwa tula mospana ndjika aadhani yeli yahamano aape, kokutya opo taya kalele po oshilongo shawo paigwana lwotango. Mbaka oya kwatelamo Omudhani gwospana yoFree State Cheetahs, Torsten van Jaarsveld, mongundu yaadhani omilongo 29. Aadhani ooyakwawo aape ongaashi Franklin Bertholini, Niel Rautenbach, JC Greyling, Tjiuee Uanivi, na Russel van Wyk.

 

Ospana otayi thigipo Namibia momasiku Novemba 2, okuya ko Wales mo UK, yi na aadhani aawanawa yokomeho omanga Vermeulen ota vulu wo okulongitha uunongo nontseyo yomudhani gwospana yo Western Province’s Rohan Kitshoff, PJ van Lill oshowo Tinus du Plessis.

 

Ospana ya Namibia oyi na aadhani yane haya dhana muudhano wekopi lya Currie, aadhani yane haya dhana ko France naadhani yaali haya dhana moliha yaAviva kokutya Burger na Chrysander Botha omanga mboka ya hupuko oyo aadhani mboka haya dhana moosipana dhomeni lyoshilongo.

 

Burger ota ka kala omuwiliki gwospana sho tayi dhana naCanada poColwyn Bay omanga inaa shuna oku kadhanena  ospana ye yo Saracens. Uukapitiya otau ka kuthwapo ku Rohan Kitshoff ngoka ta ka wilika aadhani ooyakwawo momaudhano ngoka ga hupako, okudhana nospana ya Barbarians ya France noshowo yimwe moPortugal. Vermeulen, okwa tseyitha omadhina gospana ye konima yomalolelo ngoka ga ningwa moVenduka..

 

“Otuna ongundu yaadhani aawanawa ihe nando ongaaka mbaka oya pumbwa okudhana noospana dha yooloka dhoonkondo inaadhi faathana opo yi ilonge nkene taya dhana muuyuni wethigathano lya kindja. Moku dhana ngaaka osho tashiya longekidha opo ya vule oku inyenga okuza kokudhana mookluba nokuninga aadhani yopaithano,” Vermeulen a ti.

 

Namibia okwa kanitha ompito okufaalela omudhani gumwe gwokomeho ngoka ha dhanene moSouth Africa omolwashoka nguka okuna esipa lyeehama, sho a li ta dhanene ospana yoPuma methigathano lyekopi lyaCurrie.

 

Omudheuli okwa ti okwa nyanyukilwa iilonga yomunamimvo 24 Tjiuee Uanivi,  ngoka hadhanene ospana yaBrive mo France. “Onda li nelago okumudheula nkene a thigile po osikola nonda kala ndi shishi kutya esiku limwe otaka dhanena Namibia,” omudheuli ta ti ngaaka.

 

Namibia ota ka dhana na Ndowishi pokapale ka United Club moVenduka momasiku 29 ga Kotoba nuumvo.

 

Mboka taya yi molweendo nduka oyo nee ngaashi taya landula.

Aadhani yokomeho oyo; Rathony Becker, Franklin Bertholini , Mornè Blom, Jacques Burger, Tinus du Plessis, Jaco Engels, Nico Esterhuyse, Thomasua Forbes, Rohan Kitshoff, Niel Rautenbach, Johnnie Redelinghuys, Andre Schlechter, PJ van Lill, Tjiuee Uanivi, Casper Viviers, Torsten van Jaarsveld.

 

Aadhani yokonima: Chrysander Botha, Eneill Buitendag, Danie Dames, Darryl de la Harpe, Ryan de la Harpe, Johan Deysel, JC Greyling, Shaun Kaizemi, Theuns Kotze, Malcolm Moore, David Philander, Johan Tromp and Russel van Wyk.

 

Omaudhano

29 Kotoba        Windhoek     – Ndowishi

07 Novemba  Colwyn Bay – Canada

14 Novemba  Toulon          – French Barbarians

21 Novemba  Lisbon           – Portugal

 

 

LEAVE A REPLY

Please enter your comment!
Please enter your name here