Aakiintu yaali haya nyenyeta molwoohapu dhaana oshilonga

0
398

ONGWEDIVA-Aakalimo yomondoolopa ya Helao Nafidi oya kumwa noonkondo sho aakiintu yaali aashiinda yepipi lyopokati   taya kondjele oondjuhwa oshowo omulumentu gwawo omutiligane(oshilumbu).

Oombangi ndhoka dhi shiwike nawa odha hokololele  Kundana nonkumwe kutya dho odha lulilwa kaakulukadhi mboka yaashiinda haya kala noku nyenyeta kehe esiku anuwa molwoondjuhwa dhOshiwambo shoka nee sha fala sigo opo omukiintu gumwe gwaambaka a kuthe po omulumentu gwamukwawo.

Sho Kundana a popi naakulukadhi mbaka yaali meholamo ayehe oya li ya hokwa oku gandja omahokololo gawo ashike sho ngaa a itumbula gumwe gwomuyo Emma Nghilukilwa okwe dhi hulithile moombwiinayi sho a tameke okutukana  ta ti kutya Kundana oshifo hashi kengelele na itaka gandja nando ehokololo lye  koshikundaneki shika.

Aashiinda yoomeme mbaka ohaya hokolola kutya anuwa Nghilukilwa  na Anastasia Shaningwa oya kala ethimbo ele ta ye ya kumitha shi na  sha noohapu unene kombinga yoondjuhwa dhomwenyo.

Sho Kundana a popi na Shaningwa nguka  okwa ti kutya ye okuna uudhigu na Emma oshoka anuwa ohe mu lundile kutya okwa ya kapo oondjuhwa dhe omanga ye naye ena dhe ndhoka a landa kwaamboka haya landitha oondjuhwa moshitopolwa moka.

Okwa ti woo kutya ondjuhwa ya Nghilukilwa oya li ye ya oku valela megumbo lye poondjuhwa dhe ashike sho emu lombwele ya topole uuyuhwena  Nghilukilwa okwa tindi.

“ Omuntu ngoka okuna uupyakadhi nangame oshoka oha kala noho a hala omulumentu gwandje gwoshilumbu , oshoka ye kena omulumentu oha kutha po aalumentu yaantu,” osho Shaningwa a ti ngaaka.

Okwa lundile woo Nghilukilwa aniwa kutya okwa li a dhenge omusamane gwe esiku limwe omanga yeli puukamba shaashi aniwa oha kala emu hala.

Nghilukilwa okwa hokolola wo kutya ye okwa kala ena oondjuhwa dhe ashike Shaningwa kali ena nando ondjuhwa yimwe yimwe, na okwa ka kumwa sho a kamona Shaningwa ena oondjuhwa omanga yimwe yomoondjuhwa dhe ya kana.

“ Ngaye sho nda kwata thana na mushiinda shandje ndimu pule kutya oondjuhwa dhandje odhili peni okwa tameke ashike iiyageka ta tuku ndje ,” osho Nghilukilwa ati ngaaka .

Nghilukilwa okwa ipatana woo kutya aniwa ye iha lala nomulumentu gwa Shaningwa ngoka gwoshilumbu.

“Aye ngaye kandina esiku ndi kuthe po omusamane ngoka gwomukwankala ha lala pethindi lyomuti,” Nghilukilwa osho a i shikumuna omahokololo ngaaka.

Ashike omapyopyo ngoka gazi kaakwashigwana nokaashiinda ya yaali otaga ti anuwa Nghilukilwa na Shaningwa oha ya nyenyetele  iipolopolo na  oya pumbwa oku kala ya kumagidhwa.

 

LEAVE A REPLY

Please enter your comment!
Please enter your name here