Aavali pEmanya ya gandja olupandu ku Mupetami

0
327

OSHIVELO  – Aavali yaanona ha ya hiti enongelo posikola yopevi yEmanya East oya li ya gandja olupandu lwawo olunene ku kansela gwoshikandjohogololo Okatyali Joseph Mupetami , omolwa ashihe shoka eya ningile.

Omasiku ga piti Mupetami okwa li a talelepo osikola ndjika Emanya yili moshikandjolongo Oshivelo. “ Onda li  nda kutha olweendo lwowina opo ndi ka tale nkene aana yetu mboka haya hiti enongelo nkene yi itulamo melongo nonkene ta ye shi enditha, onda li nda dhengwa pomutima okumona aanona mbaka taya longelwa kohi yomiti nonde eta olukeno,” Mupetami ta ti.

Osikola ndjika oyili moshikandjolongo Oshivelo no yi na oondondo okuza poshikunino sigo opondondo ontitano (Grade 0-5). Omukuluntuskola posikola mpaka Lazarus Amweelo okwa ti oya kala owala haya longele aanona yawo momatsali ngono ga ningwa noku longwa kaavali, ta ti oyali ya pewa iipeleki komusamaria omunamutimahenda kansela Mupetami, niipeleki mbyono oyali yeyi dhengele mbala opo ya kale taya longelelemo aanona yawo.

Aavali yaanona mboka haya hiti posikola mpaka mokuuva ndhoka kutya Mupetami okwe ya pa iipeleki oya li ya nyanyukwa unene nga mbishi megumbo mwa tselwa, oyali ya longekidha omagano opo ga pewe kansela nguka  , gumwe gwomaavali okwa ti otaya pandula Mupetami kwaashoka eya longele naasho ena oshigwana komutima, taya indile a tsikile noku longa uuwanawa moshigwana.

Amweelo okwa ti shino oshi li ondjokonona posikola yawo na itaya dhimbwa uuwanawa mboka ya ningilwa kuye . Omukuluntu gwelongo mOshikoto Lameck Kafidi oye ali iinekelelwa oshinakugwanithwa komukuluntuskola pEmanya oshowo kaavali opo eye a thikithe omagano nolupandu ku Mupetami molwa iilonga iiwanawa mbyoka a longele osikola Emanya.

Kafidi okwa li woo naye a pandula kansela nguka tati iilonga a longela Emanya iilonga tayi hokitha, no yi na ongushu moonkalamwenyo dhaanona mboka yeli oyo oongudhi dhoshilongo. Okwa li  a indile ookansela yamwe ya kale yena olune noshigwana yo ya gandje omakwatho ngaashi tashi vulika. Kafidi ta ti Kalunga na yambeke kansela Mupetami.

LEAVE A REPLY

Please enter your comment!
Please enter your name here