Benson omuyenda poshigongi shOmaudhano moDoha

0
190

WINDHOEK –Oshimpungu shOmaudhano muuyuni oshi wete shoka Namibia ta longo moshimpungu shika, onkene osha hiya gumwe gwomaadhani yaamuka opo a ka kale poshigongi shopaigwana shomaudhano.

Omukalelipo ngoka a hiywa okuza moNamibia, enyakwa muudhano waadhani yena uulema , Johanna Benson, ngoka kwa tegelelwa a ka yeluthe edhina lya Namibia pombanda pethimbo lyoshigongi shoka tashi kala mo Doha sha Qatar omwedhi tuuka.

Oshigongi shika hashi ithanwa Doha G0ALS International Forum otashi eta pamwe aawiliki yuudhano muuyuni auhe.

Benson okwa ithanwa koshigongi shika konima yo ku adha  omasindano momathigathano gopaigwana, mwa kwatelwa nesindano lye muudhano wOlympics yaanuulema mboka wa li mo London sha UK 2012. Muudhano mbuka Benson okwa li a mono oombandi yimwe oyoshingoli nonkwawo oyo shisiliveri metondoko lyoshinano shoometa ethele, hashi ithanwa uudhano waakiintu wo T37 100 oshowo 200.

Omutondoki gwa Namibia nomusindani gwombandi yoshikushu muudhano wonuumvo( 2014) wo  Commonwealth ota ka popya oshipopiwa a shoneka elunduluko lyopankalathano oshowo lyopamahupilo okupitila momaudhano.Oshigongi shika nuumvo oshititatu  ohashi longekidhwa kohi yekwathelo no lyuukuume wOmukwaniilwa gwa Qatar, Sheikh Tamim bin Hamad Al Thani.

Omupopiliko gwaadhani yoParalympic Namibia (PC) ,Memory Kahlari okwa koleke kutya Benson okwa ithanwa oku ya koshigongi shika shopaigwan. A ti eithano ndika oku kala poshiithanene shika otali ulike kutya uuyuni owa yalula Namibia omolwa iilonga yo ku humitha komeho omaudhano.

Omumvo gwayi oshigongi osho tuu shika shaDoha GOALS Forum osha li sha kalwa kaakuthimbinga yeli 1 500 ya za miilongo 70 ya li ya popithwa kaapopi yeli  150 oshowo omanyakwa muudhano geli omi-30.

Iigongi ngaashi shika yomimvo dha piti oya li ya kalwa kaanenentu ngaashi Omuperesidende nale gwa France, Nicolas Sarkozy, Ali Bongo gwa Gabon, Omuwiliki gwa FIFA Sepp Blatter, nomanyakwa gOlympic Lord Sebastian Coe, Carl Lewis, Michael Johnson, Mark Spitz, Hicham El Guerrouj, Marie Jose Perez na Nadia Comaneci.

Poshigongi shonuumvo otapa kala ongundja muudhano wotennisa, Boris Becker eli pamwe na  Wilson Kipketer, Tegla Loroupe naJonathan Edwards mokati kaamboka yiithanwa.Oshigongi otashi ka tala nawa kiiyetwapo yimwe yomaudhano okutala kutya mbika ota yi tulwa miilonga  ngiini pamuthika gwopashigwana oshowo oku etapo oopolgrama oompe.

Oshigongi dhoDoha GOALS otashi ithana aailongi yeli  400 okuza muuyuni auhe oku kundathana naakwashigongi ongo oshitopolwa shopolograma yoAmbassada dhaanasikola.Pethimbo lyoshigongi ota pa ka tulwa miilonga  osheetwapo hashi ithanwa Global Watch , oonkambadhala dhopaigwana okuhulithapo uukwamuhoko mokati kaadhani kashina mbudhi kutya mbaka oye mokapale nenge oye li pondje yokapale.Shika otashi ningwa melongelokumwe nomahangano lya Nelson Mandela Foundation oshowo Tokyo Sexwale Foundation. .

LEAVE A REPLY

Please enter your comment!
Please enter your name here