Miss Curvy Africa ota ka ningilwa muNamibia nuumvo

0
406

EENHANA – Ethigathano ndika hali ithanwa Miss Curvy Africa olya thanekwa li ka ningilwe moVenduka nuumvo konima sho ethigathano lyotango lyoludhi nduka lya li lya ningwa moZimbabwe.

Ethigathano lyomoVenduka olyo tali ka kala etiyali lyoludhi nduka okuningwa menenevi ndika, naalongekidhi yalyo oya hogolola oku li ningila moVenduka omanga omumvo nguka inaagu pwako.

Mercy “Catwalk” Mushaninga, ngoka oye omutotipo gwethigathano ndika okwa koleke omathaneko ngaka okupitila mepandja lye lyo Facebook oshowo moonkundathana okupitila moWhatsApp oshiwike sha yi.

“Namibia oye ta ka edhilila ethigathano etiyali lya Miss Curvy Africa lya thanekwa tali ka kalako momasiku 28 ga Novemba moshilandopangelo shaNamibia Windhoek,” osho Mushaninga a koleke.

Mushaninga okwa ti omalongekidho gethigathano ndika menenevi oge li metifa naashihe otashi ende nawa ngaashi sha thanekwa na oku uvite nawa sho ethigathano ndika tali ende tali koko.

“Otatu inyenge okuza pomuthika gumwe okuya komukwawo mokulongekidha ethigathano ndika, sigo oompaka aakuthimbinga yeli 26 ya za menenevi oya koleka nale kutya otaya ka kuthombinga.Aakadhona mboka taya kuthombinga oya tegelelwa okuthika moNamibia momasiku 22 ga Novemba komeho gesiku lya hugunina moka omusindani taka ulikwa” osho Mushaninga a koleke.

“Aakuthimbinga methigathanao ndika oya za kiilongo ngaashi Nigeria hoka ta ku zi aanyekadhi yaali,South Africa ngoka ta tumu aakadhona yane , Botswana ota kalelwapo kaantu yaali,  Mozambique, Cameroon, Zambia na Kenya kehe gumwe ota tumu omuuliki gwiizalomwa gumwe, omanga Namibia moka omo ta mu ningilwa oshiithanene shika okuna omahala gaakalelipo yeli yane.

Mushaninga okwa ti Zimbabwe ota ka kalelwapo kaa uliki yomizalo yeli yatano mokati kaamboka ta mu kala omunamimvo 19 Shella Chikengezha a za moHarare ngoka oye ngashingeyi Miss Curvy Zimbabwe 2014, ota ende pamwe nomukombanda omutiyali Chengetayi Mnisi oshowo omukombanda gwotango  Chantelle Jeradi.

Ethigathano ndika hali tyapula noku konenena omutungilo gwomalutu  gaakiintu  aAfrica  otali ningwa kohi yoshipalanyolo” Aauliki taya kondjjitha ondjala muAfrica”

Mushininga okwa uvanekele aaholi yethigathano ndika kutya otali ka kala enene lyo olya longekidhwa nawa moNamibia.

 

 

 

 

LEAVE A REPLY

Please enter your comment!
Please enter your name here