FNB   a kwashilipaleke uudhano wetanga lyokomake

0
193

ONGWEDIVA-Ombaanga Yotango yOpashigwana FNB oya gandja ekwashilipaleko lyoshimaliwa kongongahangano yetanga lyokomake yokoNooli oshiwike sha ziko.

Ekwashilipaleko ndika lyo N$ 10 000, otali ka longithwa miinyangadhalwa yesiku yelelomutima lyuudhano wo Volleyball koshitopolwa shokuumbangalantu pahapu dha  Paulus Mulunga.

Ekwashilipaleko ndika olya nuninwa ependulepo lyuudhano wo Volleyball kuumbangalantu woshilongo na olyo ekwatho enene Mulunga ta tsikileko.

Mulunga ngoka eli oye omunashipundi guudhano mbuka koNooli ota gandja olupandu olunene ku FNB, sho agandja pethimbo lyoopala na unene sho yeli ya adhika yeli metifa lyo ku unganeka uudhano wahugunina wethigathano ndika ehuliloshiwike ndika.

Okwati uudhano mbuka otawu koko naantu oyendji oya kwatwa kohokwe yokudhana noku yambidhidha uudhano mbuka.

Okwa ti iimaliwa yimwe otayi ka longithwa oku landa omapapa ngoka taga ka gandjwa esiku lyoshiindingili shegandjo lyomapapa sho uudhano wahugunina tawu ke ya pehulilo.

Ethigathano lyuudhano wahugunina mboka wali wuna okudhanwa ehulilo shiwike lya ziko otali ka kalako momasiku 25 October 2014 pokapale ko Northcote mOndangwa.

Ota tsu omukumo kehe ngoka ta vulu okwi inyenga opo a tameke okudhana etanga lyokomake, tati uudhano wetanga lyokomake kawu na nando okwi inyenga komalutu okundji no kamu na omayehamo  ogendji ngaashi hashi holoka momaudhano galwe.

LEAVE A REPLY

Please enter your comment!
Please enter your name here