Kansela, kapyoko moongalo dhomuthigululwakalo

0
153

WINDHOEK-“Ondafa ndili miita nenge kapuna ondjembo, ndaza megumbo lyomukulupe asa komukaga” mbyoka oyali ashike iitya iishona ye itango lyaSimon Uukule, omuhikingalo dhingi gwoondjimbo dhopamuthigululwakalo gwAawambo atseyika nawa nedhina Kansela.

Kansela okuli kapyoko okugandja omatumwalaka moshigwana ngoka taga ndungike tashi pitile moongalo dhe ndhoka dha dhenga omuthindo komuthigululwakalo. Kansela okwa yambukile mokati kOndonga, mOnyati yaShoongo shUukule popepi nOnankali, momukunda gwaalumentu yomithika omile.

Sho a ningi ethimbo ta kambadhala mpaka naampeyaka ngele tashiya moongalo dhe, Kansela ngashingeyi okwa pitako nomusholondondo gwoongalo omulongo nambali ngoka tagu ithanwa Oshikukuta. Moshikukuta omwa kwatelwa uungalo uupe uyali mboka inaawu uvika nale ngaashi Takali Iimbombo naMondambo. Kansela okwa ti Takali Iimbombo ongalo ndjoka yoHouse yili mOshiwambo yina omulyo gwoshiketala shoshene netumwalaka tali tungu oshigwana. Mondambo okanuninwa aalumentu ayehe mwa kwatela naamba yiininga pendje odollar.

Oalubuma ndjika Oshikukuta Kansela okwa kwathelwa kOmusaane Niihana mokangalo kaamba yat okola okukutha aakulupe kohi ta ka ti Kansela Tukwatha. Okwa kwathelwa ishewe ko ka kadhona hoka kena ewi  lyoshingoli kedhina Ndina muungalo uyali.

Omolwa ompumbwe yoshimaliwa, Kansela okwiilongekidha a manamo opo aka ulike uunongo we muDesemba alihe ngaashi ali a mono omahiyo aka nyanyudhe aali yoohango nokashona hoka ta pewa onga eyambidhidho. Nonando omalongekidho agehe ogeli metifa ngaaka Kansela ota pumbwa ekwatho moshigwana komunamutimahenda ku kehe opo ayihe yeende nawa.

LEAVE A REPLY

Please enter your comment!
Please enter your name here