Nestor Flybek ota ka pititha okavideo komaimbilo kEenhana

0
204

EENHANA – “Ondi hole shoka handi ningi onkene ondoolopa yEenhana na yi tegelele ongalo yimwe tayi endele pamwe nokavideo ndjoka tayi ka holoka kuyele omwedhi tuuka. Ongalo ndjika oya shewelwa Eenhana oshilando sha tseyika nawa ongo Oshilando shiihwa ya ziza,’ osho Nestor Flybek  a uvaneke.

Euvaneko lyokunyanyudha aakalimo yomEenhana olya ningwa ku Nestor Flybek nenge ngaashi e shiwike nawa  Andras Nestor. Nguka oye oshipala oshipe moshimpungu shomainyanyudho, ngoka a talikako ta vulu okulundulula onkalo yokwiimba moshitopolwa moka eli.

Nestor Flybek omunamimvo 23 oye  omuthigathani  ta pumbwa oku thigathanwapo na ye, omwiimbi ngoka eli eshongo kwaamboka yeli nale moshikondo shika na okwa uvaneke ta ka etamo elunduluko momukalo ngoka aayimbi haya imbi omaimbilo gawo.

Pethimbo ndika yamwe otaye mu yeleke naa imbi ngaashi mboka haya imbi oongalo dho kwaito, Mushe, the Dogg- Mshasho na yalwe.Omugundjuka nguka okwa ti efaathano pokati ke  naahikingalo yomoNamibia   olyo kutya mbaka oya nwethwamo kaahikingalo yokoSouth Afrivca ngaashi Arthur Mafokate, Mandoza naBricks.

“Oyendji yomaantu ohaya ti ohandi imbi ndafa aayimbi aa South Africa” osho a fatulula.

Omvalele yomomukunda  Omushimani, uuna tayi imbi ohayi fuula aapulakeni yayo nolundji mbaka ohaya kala yaana iitya okutya. Okwa ti ye okwa yooloka kaaimbi ooyakwawo  oshoka ye okwa hwama, oha hili aapulakeni  noku na esimaneko, ishewe aantu ohaya mono ehwamo nohokwe yomusiki yokwaito momeho ge.

Ohole ye yokwiimba oya tameke pethimbo eli mosikola yopevi, sho aalongi ye ya li ha ye mu pe ompito opo iimbe pethimbo lyowandaha yongula petameko lyosikola. Konima yaashika okwa ka  ndhindhilika kutya okuhole omusika na okwa hala oku ninga omuneithano momusika.

Shoka sha landulako ooshika kutya okwa ka kwata ongalo ye yotango yedhina Back up Plan, eyi kwatelwa kehangano lyokukwata omawi lyedhina Shafodino komutuliko gwoongalo DJ Didy.Okwa fuula aalongekidhi yiinyangadhalwa niitendele moshitopolwa oshoka olundji oha ithanwa opo a ka mwenyeke piitendele yaa yooloka mOhangwena  unene tu mEenhana.

“Onda imba pomauliko ogendji muumbangalantu.Onda imba pomauliko gIipindi gEenhana Business and Trade Expo 2014 oshowo otandi ka imba pomauliko ga Helao Nafidi Business Expo pehulilo lyomwedhi nguka otandi ka holoka wo pethigathano lya  Miss Ondobe 2014, Miss Okapya nopiithanene  oyindji.

Ondjimbio ye kombinga yEenhana ndjoka tayi piti momwedhi tuuka otamu ka imbwa kaa imbi mboka opo ta ye ya ngaashi LMT na Alaquad.

Okwa ti omusiki ye oya yooloka kwaandjoka hayi imbwa kaa imbi ooyakwawo oshoka ndjika ye, oyi na etumwalaka ndyoka aapulakeni ya yo taya faalele kegumbo.

“Omusiki nayi kale yi na etumwalaka , onkene okavideo komusiki kombinga yEenhana okena elalakano okuhumitha komeho omutalelo gwondoolopa ndjoka ya tseyika ongo oshilando shomaluhwa gaziza nawa’ osho a popi pehulilo.

Okwa ti monakuyiwa okwa hala oku ilonga uuinginia womawi nenge okwi ilonga ontseyo yoku etapo omusiki.Oha longele ositola ya Pep ethimbo alihe pEenhana.

LEAVE A REPLY

Please enter your comment!
Please enter your name here