Oteya a pititha okavidio nokangalo Simoni

0
315

WINDHOEK-Kamwe komuukadhona womoshilongo mboka hawu imbi oongalo tadhi nyanyudha aapulakeni Daphne Willbard a tseyika nawa nedhina moongalo Oteya osho a pititha okangalo ke okatiyali okapeepeka pamwe nokavidio kako,  kedhina Simoni oshiwike shapiti.

Okangalo haka Simoni koludhi lwoHouse okena etumwalaka tali tungu nota ka longo aantu nkene yena okukalekapo aaholike yawo noku ya sila oshimpwiyu. Oteya okwa popi ishewe kepandja lye lyoFacebook pethimbo a pititha okangalo ke ta ti aatali naapulakeni naya ilongeleko kokangalo haka oshoka okanunimwa omapipi agehe koonono no ke na etumwalaka tali tungu.

Simon okangalo hoka ka landula ongalo ya Oteya “Ethimbo”, ndjoka ya kala tayi dhana onkandangala uule wethimbo efupi konima ashike sho yali ya pitithwa omvula ya ziko. Ongalo ye oyo tuu ndjoka oye mu tula pamuthika gwopombanda no ya ka kala noku ulikwa kooradio dhomuzizimbe dhomoshilongo ngaashi kopolohalama yoNBC Watagwana, osho woo oonkwawo dhopondje yoshilongo. Kakele ashike kuungalo mboka wa Oteya wuli pomuthika gwopombanda, Oteya okwa kala noku ulika uunongo we mpaka naampeyaka sho a kala ta imbi pomahala ogendji gomainyanyudho nopiituthi ya yoolokathana.

Oteya ngaashingeyi ota ilongekidhile epititho lyoalubuma ye ndjoka konyala ya tengenekwa yi ka pitithwe pehulilo lyomvula ndjika. Ota ti oalubuma otayi ka kala yina oongalo dhomaludhi ga yoolokathana ngaashi oAfro Pop, House, Kizomba, noongalo dhopambepo.

 

LEAVE A REPLY

Please enter your comment!
Please enter your name here