Uudhano woCricket mOshana Olyomakaya

0
176

ONDANGWA-Ewiliko lyuudhano woCricket moshitopolwa shaShana otali unganeke  ethigathano lyuudhano woCricket mOndangwa ehulilo shiwike ndika.

Uudhano mboka natango wafa tawu liwa oshipungo moshitopolwa molwashoka  inaa wu tseyika nawa koyendji owa tegelelwa wu ka kuthiwe ombinga kOosikola dhomomudhingoloko gwaNdangwa naShakati.

Pafunisia Josua ngoka eli omunashipundi gwuudhano woCricket moshitopolwa Oshana okwa ti nando uudhano mbuka wa kala ianawu tseyika nawa moshitopolwa, mongashiingeyi omanongelo  ogendji moshitopolwa oga pewa omadhewo niilongitho yoCricket.

Okwa ti uunona olundji ohawu thindilwa ashike oku kuthombinga momaudhano ngoka ga kalako nale ashike uunonana wumwe owuna ohokwe nuunongo okudhana oCricket.

Okwa ti ehulilo shiwike ndika otaya ka tegelela oosikola adhihe dhili momudhingoloko gwaNdangwa opo dhi ka kuthe ombinga methigathano ndika hali ithanwa Kwata Cricket hali dhanwa kuunona okuza pomimvo 7 sigo 14.

Okwa ti kapuna oshimaliwa sha pumbiwa okwi ishangitha, onkene ndjika oyo ompito ombwaanawa okutuma uunona opo wuka kuthe ombinga muudhano mbuka.

Chris Junior oye a sindanenepo uudhano mbuka oshikando sha ziko onkene okwa tegelelwa natango a ka gamene ekopi lye sho uudhano tawu ka shuna mondambo Olyomakaya ndjika.

Osikola ndjoka tayi keya pehala lyotango otayi ka pewa ekopi noombandi, omanga ndjoka tayi ke ya pehala etiyali netitatu tayi ka pewa oombandi.

Uudhano mbuka owuli  oshitopolwa sho Cricket Namibia Association shomapendulepo gomaudhano goCricket moshitopolwa.

LEAVE A REPLY

Please enter your comment!
Please enter your name here