Ya indile ya tungilwe okapangelo okashona pOshitishiwa

0
227

OSHITISHIWA- Aakwashigwana yokOshitishiwa otaya indile nesimaneko enene opo ya tungilwe oclinica momukunda ngoka oshoka oomeme oyendji yaamoka mboka yi ihumbata ohaya pulumuthile ashike momagumbo oshoka oshipangeo oshi li kokule.

Mwene gwomukunda Oshitishiwa okwa ti opuna ngaa omayakulo gopauhaku haga gandjwa kaakwashigwana ashike ohaga gandjwa  ashike momweedhi lumwe  shoka ye wete inaashi gwana .

Mateus Shiningeni okwa ti nonando aaniilonga yuuhaku ohaye ya moshitopolwa she onkee ngaa natango muna ompumbwe yuuhaku oshoka aakwashigwana ihaya ehama ashike lumwe moshiwike.

“ Otuna omidhimba odhindji momuthitu moka uunona wetu inayu thika kiipangelo molwelala ndyoka lili mpoka, onkee otwa pumbwa oshipangelo tashi kalelele,” Shiningeni a hokolola.

Okwa ti wo kutya kakele koomeme yeli momategelelo opuna woo uupyakadhi waakulupe niilema mboka itaya vulu okuthika koshipangelo sho koKongo.

Oshitishiwa omukunda guna aakwashigwana taku tengenekwa yevulithe pomayovi gaali nasha naayehe oyeli momuthitu kuuzilo woshikandjohogololo shaKongo moshitopolwa shaHangwena.

Mwene gwomukunda ngoka a hokolola kutya aakwashigwana ye kayena ombili oshoka kayeshi uutoye woonzo dhepangelo, okwa li a popi na Kundana mOsoondaha yoshiwike shika.

Uuhaku mboka ohawu etwa nee pehala mpoka momuthitu mokandunda katungwa po kaakwashingwana miimbondi .

LEAVE A REPLY

Please enter your comment!
Please enter your name here