Egumbo lyawo lya pipo thilu

0
260

OKANKOLO – Aakalimo yomomukunda Uutha, moshikandjohogololo Okankolo oya kanithile iinima yawo ayihe momulilo, nomegumbo inamu hupa nande osha omaliko gawo agehe omo ga kanene moka. Ekanitho ndika enene olya adha aantu mbaka oshiwike shapiti.

Mwene gwegumbo Stefanus Gideon okwa lombwele oshifo shika kutya oshiningwanima shika osha ningwa komatango getine lyomasiku omilongo mbali nagatatu (23). Omukulukadhi gwa Gideon Ndapewa Shilongo okwa ti okwa li a thigi uunona megumbo manga tayi koshikukuta ye ando a galuke ewu adhemo. “Okanona kamwe okena oomvula ne omanga kamwe kena mbali, nani sho ya kala megumbo hoka okakuluntu oka kala taka dhana okapalwa sigo omulilo gwa yaka nokuya koondunda adhihe megumbo, sho nda mono olwithi talu gundumuka onda adhika ndili mondjila yokugaluka, onda dhengelwa ongodhi kutya egumbo lyetu olya hwama omulilo,” Shilongo tati.

Aanamukunda oyali ya tondoka onkugo ashike inaya vula oku ninga posha, oshoka omulilo ogwa adhika nale gwa yaka gwaya noondunda adhihe. Pethimbo sho aanamukunda ya tondoka onkugo no kuya ando ya dhime omulilo oya adha ashike uunona wa thikama pondje lwomepya.

” Otwa kanithilamo iinima yetu oyindji unene, otwa thigwa ngaa nee pomutenya koshiponga shika shomulilo, oonguyo dhetu odha pyapo thilu, iigandhi konyala iilikolomwa niikulya yetu ayihe omo owala ya pile megumbo moka no inaapu hupa nenge osha, otwa kanithilamo woo omauthemba getu agehe,”Gidion ta ti ngaaka Aanegumbo mbano taya ti nonande egumbo lyawo lya lungunithwapo komulilo ngeyi no inapu thigwa nando osha kakele ketala lyomwiidhi, oyati otaya pandula Kalunga oshoka megumbo inamu pila omuntu po kapuna ngo a mona oshiponga, taya ti uunona mbono we eta oshiponga ando ha Kalunga alipo ando nawo omo wa pile mo.

Kwaangoka nee wuna ehalo opo wu kwathele aantu mbaka ya talelwapo koshiponga shika shomuli oto vulu ku ninga ekwatathano nayo, ne tamu popi noku kundathana , oshoka oya holola kutya oya pumbwa omayambidhidho.

KuMaria Namupala

 

LEAVE A REPLY

Please enter your comment!
Please enter your name here