Endiki lo ku likonaakonifa ombuto yo HIV/AIDS la yeuluka po ka clinic ko po Aus!

0
279

AUS – Ominista youhaku nonghalo nawa Omudohotola Richard Kamwi okwa yeulula okaclinic , ka wapalekwa noku longololwa ko Anglo American Namibia Foundation po Aus moshikandjohoololo sha !Nami#nus omwedi ou.

Okapangelo a ka oka tungifiwa keedola N$160 000 odo da yadjwa kehangano ledina Anglo American Namibia Foundation..

Omatungo amwe opo kapangelo aka okwa li monghalo ii neenghono na ka kwali taa dulu okulongifwa.

Okaclinic ko mo Aus okapangelo kepangelo, no paife okanenepekwa ,omolwo omatungo oo a wapalekwa. Mo matungo oo paife otamu ka kala nokuningilwa omalikonaakonifo ombuto yo HIV/ AIDS nexungomwenyo. Po clinica opo tuu opo paife opena onhele yokukala ovanailonga voundjolowele, muna eenduda mbali dokunangala oundjuwo oshoyo okombifa. Mo Aus omuna ovakalimo vefike po1600

Moku yeulula pambelewa okaclinica Dr Kamwi okwa pandula ehangano lo Anglo American Namibia Foundation eshi la wapaleka nokulongolola omatungo opo clinic ya Aus, opo a dule okulongifwa natango , kudulwe oku yambulapo onghalo youndjolowele kovakalimo vomo Aus.

Minista ta twikile noku yelifa kutya oka clinic ka Aus oko keli eekilometer 120 okuya kodoolopa ya Luderitz okapumbwa osheendifo, na Minista okwa udaneka kutya ouministeli waye otau kafya oshisho opo ngee kwa monika oshimaliwa va tuminwe osheendifo.

Kamwi okwa popya yoo komhumbwe yo vapangi oyo ili moipangelo yomoshilongo mwakwatelwa no Aus.

Momhito ei Minista okwa twa omukumo ovanyasha vomo Aus opo vakufe eifano loupangi ve uye va longe mokaclinic kambulavo.

Dr Kamwi okwa popya yoo koveta oyo ya shainwa kOmupresidende woshilongo Hifikepunye Pohamba, oyo tai kunghilile ovo havanu omakaya , va ha nwine nande opeenhele opo hapakala ovakwashiwana.

Kamwi tafutulula kutya oveta ei oya ya moilonga, naau taka hangika tanu omakaya eli peenhele opo hapa kala ovakwashiwana okuna okumangwa noku ka holoka komesho yomhangu.

Ophelia Netta omu kalelipo wo Anglo American Namibia Foundation okwa tumbula kutya voo ove li tulamo mokulongela kumwe nouministeli ou. Pefimbo eli o Foundation ei oye lipya kidila nokuninga omapekaapeko nomafaneko opo va etepo oshikondo, shokukondjifa ombuto yoHIV oshoyo oku konaakona noku panga okankela yo koilyo yoidalifo yovakainhu mo shitopolwa sha//Kharas, ta ve shiningi okupitila mehangano lopaumwene ledina Pink Ribbon Red Ribbon melongelo kumwe nouMinisteli wouhaku nonghalo nawa.

Ku Tuulikki Abraham

LEAVE A REPLY

Please enter your comment!
Please enter your name here