Omukalimo gwomOmandongo a si sho a gwile momeya

0
274

ONAYENA – Aakalimo yomomukunda Omandongo moshikandjohogololo Onayena oshowo aantu yopomudhingoloko oyali ya haluthwa unene koshiningwanima shoka sha ningwa Etitano lyayi komatango. Omulumentu gwoomvula omilongo ne nomugoyi (49) Martin Amunwe, nokwa li omulongi posikola yopevi poNakambale okwa li a adhika a sila mohauto ndjono a li ta hingi. Pahokololo lya gandjwa ku gumwe gwaanamukunda olya ti, oya li ya mono ohauto ndjoka tayi ende kashona yu uka mondama ndjoka yili pomudhingoko ngoka, nokonima oyayi momeya moka.

Aanamukunda oyali ya gongala mengathithi enene noku tala shoka sha ningwapo. Yamwe mbono ya adhika yeli puundunda oya hokolola kutya moku mona shoka sha ningwapo oya li ya tseyithile opolisi etitano ndyoka ashike oya li ashike ya thiki poshiningwanima mOlyomakaya. Kapuna uuyelele wothaatha tawu ulike kutya oshike sheya mu Amunwe opo a hingile ohauto ye momeya, po kapuna omushangwa ando tagu ulike sha nonande ali a monika puundunda wo pomidhingoloko esiku olyo tuu ndyoka.

Aapolisi oyali ya kambadhala opo ya kuthemo ohauto ndjoka, na osha li she ya kutha uule wethimbo oshoka ohauto oyali ya ninginamo momeya lela ye etako owala okangenge okashona. Kommishina gwopevi mopolisi yaShikoto Wellem Peter okwa ti oyali yeshi pondola okuhilamo ohauto ndjika sho ya kwathelwa ku gumwe gwomaanangeshefa. Peter tati omiyelo dhohauto odhali dha patwa nomakende ogali geedhila lela ashike ohauto inayi mona nande oshiponga oya zimo owala yili nawa.

KuMaria Namupala

LEAVE A REPLY

Please enter your comment!
Please enter your name here