Omukulupe gwomEhafo konyala a dhipagwa komulilo

0
221

UUKWIYUUSHONA – Omukulupe gwomimvo odhindji ota pangwa moshipangelo shaNandjokwe omolwa iilalo mbyoka a ningwa komulilo ngoka gwa fikepo egumbo Omaandaha oshiwike shika.

Otaku hokololwa omulilo nguka gwa etithwa komutekulu gwomukulupe ngoka anuwa a lita fike okapuka nenge okambaambala kali ta ka ende

kombanda yondunda.

Oshiponga shika osha li sha ningwa lwopotundi onti 15h00 mOmaandaha pomukunda Ehafo moshikandjohogololo shUukwiyuushona moshitopolwa shaShana omanga aakuluntu ya li ya zamo. Oshiningwanima shika osha ningwa komunona nguka anuwa sho a zimbuka kosikola. Kuku Martha Moses okwa li a falwa koshipangelo kOnandjokwe hoka ngashingeyi eli ta hwepopala kiilalo yomundilo ngoka gwe mu fika unene kombinga yolutu lwe “Kakele ka kuku ngoka apya ombinga yimwe, megumbo omwa pila wo oondjuhwa dhili ntano dha sa mbali

dhomudho odha li dha utumanena, omwa pile wo oombwa dhalunguna po”, omutekulu gwa gwaMoses a hokolola omanga yinakulu eli koshipangelo Otaku hokololwa kutya okanona haka ngashingeyi oka fike egumbo lya gwaMoses oshikando oshitiyali sha landula sho ke li fikilepo thilu alihe momumvo 2012.

Nonando momvo 2012 kamwali mwa monena omuntu oshiponga megumbo nuumvo okonyala ka fikilemo yinakulu. Gwa Moses okwa onithwa

oshiponga komulilo sho aadhika ta kondjo oku kuthamo omambo gaatekulu ye ngoka a li inaa hala ga pilemo.

“ Ngashingayi egumbo lyetu lya pipi alihe ishewe, okuza ngaa kiikumbatha , iikulya noshowo iikwatelwa ayihe”,omutekulu gwa gwa Moses a

lombwele Kundana.

“ Ngashingeyi aantu katushi kutya otwa hala okuninga ngiini oshoka otwa tulwa ishewe pomutenya na yi . Shika osha etithwa ashike kuutsini wokanona hoka kaa keshi shoka kali taka ningi,” omunegumbo a hokolola.

Ashike gwaMoses okuna aashiinda aawanawa oshoka oya tondoka onkugo ye etelele omakwatho ga yooloka ngaashi iiyuma ,oontungwa, mayemele oshowo iikulya. Maatondokinkugo omwa liwo mwa kwatelwa omupiya gwoshigwana kansela Andreas Amundjindi ngoka a etelele ooshako ne dhuusila noshowo oondini ne dho kuteka omeya.

Amundjindi okwa kumagidha aakuluntu opo ya kale haya kumagidha aanona noku ya londodha kombinga yuupyakadhi mboka hawu etwa komundilo unene pethimbo ndika lina “ Aakuluntu kaleni muna oshimpwiyu ngele tashi ya konkalo ya nika omundilo.

Okapalwa keli megumbo na ka kale ashike keshi wike kutya okeli peni kaakuluntu opo tu yandeni iiponga yoludhi nduka.’ Osho a indile.

Amundjindi okwa uvaneke taka thikitha onkundana ndjika yoshiponga kombelewa onene yoshitopolwa shaShana, kuNgoloneya Clemens Ka n s e l a o k w a i n d i l e w oo aanamutimahenda ya kwathele aanegumbo lya gwaMoses naashoka yena po.

Mokati kaamboka ya kwatha pethimbo ndyoka omwa kwatelwa wo omuniilonga gwaNew Era Publication Corporation, Andrew Shilunga ngoka a naye woo okwa li a yambidhidha noondola N$110.

KuLoide Jason

LEAVE A REPLY

Please enter your comment!
Please enter your name here