A tidha aanona megumbo nande a hengwa kuhe yaanona

0
261

OMEYA TAAHEKELE – Gumwe gwomoyana yanakusa Tobias Walenga ngoka a sile omvula yaziko, okwa ti ye pamwe naamwayina otaya tidhwa megumbo komukulukadhi gwa he. Omuselekadhi nguka Lucia Nghitila pamapulapulo okwa ti ota lundilwa moshinima shika.

Haimbondi Walenga, gumwe gwomoyana yanakusa Tobias ota ti okuna uupyakadhi nokwa hala a mone eyamukulo lye mu mbilipalela kombinga yoshinima shika.

Omuselekadhi Nghitila okwa ti ota lundilwa moshinima shika sho ta ku ti ota tidha uunona wanakusa megumbo, ta koleke kutya oya kala ya hengana shili uule woomvula odhindji ashike inaya hengana pambapila noku wete kutya uuthemba we, opo a galukile megumbo oshoka anuwa sho ya hengana ina shaina nenge ombapila yasha.

Mwene gwomukunda Omeya-Taahekele, Simon Mbwika okwa ti oshinima shika okwe shi uvile ashike, na okwa tindi okutya ko sha unene, ta ti ota kambadhala ya kandule po omukundu nguka mbala yo ya tale kutya otaye shi ende ngiini.

Nakusa Tobias Walenga okwa manene oondjenda dhe omvula yaziko. Pahokololo lya gandjwa komwana gwanakusa nguka Walenga okwa ti he oyali ya hokana na Lusia Nghitila ashike oyali ya hengana mo 2004, ta ti he okwa kala megumbo oye awike nonande konima aka kuthwamo kumumwayina oshoka ka li ta vulu a kale tiilele mwene.

Ashike Haimbodi ta ti konima sho he a hulitha Nghitila okwa galukile megumbo moka nonande ya adhika ya hengana konima yoomvula odhindji. “Kandishi kutya elalakano lyaNghitila opo etu tidhe mo megumbo olya shike oshoka oya adhika ya hengana nale na tate, oshinima shino oshetu ehameka unene, onga oyana ya nakusa otwa hala tu popilwe tse tu mone uuyelele moshinima shika,” Haimbodi ta ti ngaaka.

Okwa gwedha po kutya oya kala taya kongo ekwatho kumwene gwomukunda gwawo opo a yemo moshinima shika ashike anuwa mwene gwomukunda okwa fa inaa hala oku yamo lela moshinima shika. Haimbodi ta indile kehe ngoka wuna uuyelele no to vulu oku ya kwathela muudhigu mbuka yena wu ninge ekwatathano nayo, ngoye wu ya lombwele kutya otaya ende ondjila yini opo kaa ya tidhwemo megumbo ndyoka ya thigilwa kuhe. Haimbodi okwa holola kutya shoka kee uvitile ombili osho konima he a pakwa Nghitila okwali a pulwa a thigepo egumbo ndyoka oshoka anuwa oya adhika ya hengathana nale ashike konima okwa ka galuka, yo ya kala kaayena ombili na nakusa. Tati elelo lyopamuthigululwakalo na li ye mo moshinima shika lyo li ningepo omalunduluko.

KuMariaNamupala

 

LEAVE A REPLY

Please enter your comment!
Please enter your name here