Hendison Nghipondoka omutungi lutu dhingi

0
210

ONDANGWA-Hendison Ngipondoka oye omusindani guudhano waa mboka ya tunga omalutu gawo nawa pamadhewo ndyoka lyali mOndangwa ehuulilo shiwike lya ziko.

Oshinyanga shopEkamuti Lodge mOndangwa oshali shu udha sigo opondje aantu yi ile okutala aakuthimbinga methigathano ndika sho taya ulike uunongo wawo woku idheula mokutunga omalutu gawo.

Uudhano wali wa unganekwa koAwas Gym, owali wa longekidhwa oshikando shotango mOndangwa. Hendison ngoka a yauka mokati kaakuthimbinga yeli 16 okwa ti oku uvite kutya uudhano mbuka ouli ompito ombwaanawa okuyambula po omaudhano wokutunga omalutu monooli.

Kakele kuudhano mbuka wa longekidwa ko Awas Gym, uudhano woludhi nduka moshitopolwa oha u kala owala kOngwediva hoka hau kala wa longkidhwa ko Yap Gym.

Hendison ta ti oye na elalakano oku andjaganeka uudhano mbuka nokiitopolwa yomomudhingoloko gwaNdangwa.

Ta indile aantu yomomudhingoloko gwaNdangwa opo ya kuthe ombinga momaidheulo gopalutu ngoka haga monika po Ours Gym opo kukalekwepo uundjolowele kaakuna we.

Ethigathano ndika olya li lya kwashilipalekwa kEkamuti Lodge ongulohi yetitano lyazako.

LEAVE A REPLY

Please enter your comment!
Please enter your name here