Mile athaanekitha okavidio okatiyali

0
313

ONAYENA-Mathias Mukohongo a tseyika nawa Mile onkene ta tsikile komeho noshipewa she shoku imba oongalo nokuli gumwe gwomomanyakwa ngele tashiya moongalo momukunda gwawo Onayena.

Oshiwike sha ziko okwa li a thaanekitha okavidio ke okatiyali kehangano lyoFame Production moshilandopangelo.  Okwa thaanekitha okavidio kokangalo Never say never, kamwe komuungalo we uuwanawa mboka tawu ka kala moalubuma ye Words of the Voiceless.

Mile ota ti oalubuma ye ndjoka ya thaanekwa yika pite  muDesemba nenge petameko lela lya Januali, otayi ka tseyithwa noku ulikwa mOnayena. Moalubuma omuna ne uungalo owundji mboka itawu thigi omuntu momutumba ngaashi Forgive, Uuyuni, Story of my life, oku tumbulapo ashike wumwe. Mile ngono eli wo omwiilongi koUnam, ogumwe gwomaagundjuka mboka ya tokola okuyambulapo iipewa yawo. Oongalo dhe odhindji odhina etumwalaka lya yela lyanunimwa aakuluntu naanona.

“Kashishi naanaa oshipu okumana okuninga oalubuma yoye unene ngele kuna omukalelipo nomutonateli gwoongalo dhoye. Ohashi pula ethimbo ele niimaliwa  opo wu gwanithepo oshinakugwanithwa shika, Mile ta ti ngaaka.

Mile ta indile aahikingalo yomoshilongo ya tule uukuni kumwe yo ya tote wo iiyimbo tayi hokitha yo tayi longo.

LEAVE A REPLY

Please enter your comment!
Please enter your name here